Romans 1:13 - De Beebaa Dabu

¹³ Denga daina, au e lodo goodou gi tonu ange bolo gu dee modu donu dogu lodo e hanadu gi oodou daha, (aagai goi buibuia huu ga dae mai ai gi iainei); au e lodo hogi gi maua e au i de hai gi daahuli lodo o hanu i oodou magavaa, bei dagu hai gu maua ai laa i magavaa o denga Gentile ange laa.

Romans 1:13 Iomraidhean Croise

Isaiah 27:6

Gai Jacob e ssomo mai naa ono aga i laangi e loomai, gai Israel e loage naa ono laa ma ono huaala, ga loage ono hua ga hhao henua i lalo alodahi.

John 12:24

Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 4:36

De ia e hagihagia gu lava donu i de kave dono hagaoanga, gai gu hagabudu hua ange gi de mouli e dee ngado mai. Gai gi malangilangi ai ngaadahi tangada doo aama tangada hagihagi.

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

Acts 15:12

Gai dangada alodahi gu dee mmuu i delaadeu nnoho ga hagallongo muna a Barnabas ma Paul i delaau tala ange dagodo o denga hagailonga ma mee hagalele mouli a de Maadua gu dugu ange gilaau gi haia i magavaa o denga Gentile.

Acts 19:21

Dua mee nei, gai Paul ne maanadu de hano laa Macedonia ma Achaia e hano ai gi Jerusalem. Ia ne hagadaba hogi, “Dua dogu hano gi kilaa, gai au e hano hogi gi dae gi Rome.”

Acts 21:19

Gai ga lava huu dono hagaboo ange gi gilaadeu, gai ia ga tala ange mee alodahi a de Maadua gu hai, i daho denga Gentile i dono hai hegau i olaadeu daha.

Acts 28:14

Gai gimaadeu ne hedae ange gi hanu daina i kilaa, gai gilaadeu ga dangidangi mai gimaadeu gi nnoho i olaadeu daha i e hidu laangi. Gai gimaadeu ga hulo ai loo ga tae gi Rome.

Romans 1:12

gai gidaadeu ga hagadau hagammahi ai i odaadeu kai.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Romans 7:1

Denga daina, goodou tigi tonu ange naa donu — go hiidinga au e basa ange gi dangada e iloo de hainga — bolo de hainga e sauaa donu huu i de masavaa o tangada e mouli ai?

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

1 Corinthians 10:1

Denga daina, au e lodo goodou gi tonu ange bolo odaadeu dubuna madagidagi ne nnoho i lalo dahi hagausinga, gai gilaadeu alodahi ne hulo ga tae gi de baasi laa de vai;

1 Corinthians 12:1

Denga daina, dagodo o denga duuhanga mai i daho de Hagasaalunga ⌊Dabu⌋, au e dee lodo goodou gi dee iloo dagodo o mee nei.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.

1 Corinthians 9:2

Gai ga dee hagabinga naa donu bolo se dangada tala niio hanu dangada gee, gai au se dangada tala donu niiodou. Go hiidinga go goodou e hagadonu ai bolo au se dangada tala i lodo o Tagi Maolunga.

2 Corinthians 1:8

Denga daina, gimaau e llodo goodou gi iloo dagodo o omaau hagaduasala i Asia; gimaau ne kona iho i omaau hagaduasala, gai ne dubu ange donu i amaau mee ne mau i de hagauda; gimaau ne maanadu bolo gimaau e maakau naa donu.

2 Corinthians 2:14

Aagai gi hagaahea ange de abodonu gi de Maadua e dagina laa gidaadeu i masavaa alodahi i lodo o Klisdo, bei dagodo o dangada gu kii laa, gai gidaadeu ga kave saele ai de namu kala o taadeu iloo ia i mommee alodahi.

Galatians 3:15

Denga daina, au e tala adu dahi hagadagodo i hegau e hai i daho dangada: e deai donu se dangada e maua i de hai gi dee haigamaiana de boolonga o dahi dangada, aabe e hagapuni ange hanu mee aagena, noo gu lava i de hagasauaa.

Galatians 6:18

Denga daina, de abodonu o Iesu Klisdo taadeu Dagi Maolunga gi madali oodou hagasaalunga. Amen.

Philippians 1:22

Noo e daulooloa dogu mouli, gai gu kii ange de lagolago hua o agu hegau. Deenei ai, au gu dee iloo be dee hee dogu mee e lodo ai.

Philippians 4:17

Au e dee se lodo i doodou mee ngadi gaavange, aagai ne lodo e hai gi laumalie de manuuia oodou e kave.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

1 Thessalonians 2:18

Gai gimaadeu ne llodo mmao e loadu gi oodou daha. Gai au donu gu hagatale de ahe adu gi oodou daha i hanonga lagolago, gai Satan e buibui gimaadeu.

1 Thessalonians 4:13

Denga daina, gimaadeu e llodo goodou gi tonu ange gi dagodo o de gau maakau, gi dee hinangalosaa ai goodou bei dagodo dangada e deai selaadeu tali.

2 Thessalonians 2:7

Gai mee e dee iloo laa i dagodo o de ia e oohaa de hainga gu hai hegau donu iainei; aagai de ia e daohia laa ia, e daohi naa donu ia ga dae ai gi dono masavaa e kave gee ai.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.