Romans 1:1 - De Beebaa Dabu

¹ Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 1:1 Iomraidhean Croise

1 Chronicles 23:13

Dama daane a Amram: go Aaron ma Moses. Gai Aaron ma dono aamuli alodahi ne vvae gee gi hagadabu ina denga mee dabu mmao, ma de hai denga sigidaumaha i mada luu mada o Tagi Maolunga, ma de hai hegau i ono mada i mua, aama de hagamanuuia ai dangada i dono ingoo ga hano ai.

Isaiah 49:1

Denga modu, goodou nnoho mai hagalaangona, denga huaadangada i mommee mmao, goodou hagalaangona de mee nei. I mua dogu haanau, gai Tagi Maolunga ne hagahi au; ia ne hagahi mai dogu ingoo i de masavaa oogu ne haanau ai.

Jeremiah 1:5

“I mua dagu hai goe i de mommee o denga dama, gai au gu iloo huu goe, gai i mua doo haanau, gai au ne vvae gee goe ga hagadabu; au ne hili goe e hai ai de pelaabisi o denga huaahenua.”

Mark 1:14

Gai dua huu de boogia o John ga hhao gi lo te hale pono, gai Iesu ga ahe gi Galilee ga agoago ai de longo danuaa a de Maadua,

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

Acts 13:9

Aagai a Saul, e hagaingoo ange laa hogi go Paul, gu honu i de Hagasaalunga Dabu, gai ia ga haaina ia,

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 21:40

Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Acts 22:7

Gai au gu doo gi honga de gelegele, aagai au gu langona dahi leo e hai mai gi de au, ‘Saul, Saul, gu aha gu vaivai hai ai naa goe au?’

Acts 26:1

Gai Agrippa ga hai ange gi a Paul, “Gu dugu adu goe gi daalaa doo heohi.” Gai a Paul ga haalo dono lima ga daamada de tala dono heohi, ga hai ange,

Acts 26:14

Gai de masavaa omaadeu alodahi ne too ai gi honga de gelegele, gai au ne langona de leo e basa mai gi de au i muna Aramaic, ‘Saul, Saul, gu aha goe gu vaivai hai ai naa ngau? E hai ngadaa mmao dau badu i doo vae mee duiduia.’

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

Romans 11:13

Iainei gai au e basa adu gi goodou denga Gentile. I hiidinga au se dangada tala niio denga Gentile, gai au e tuhi donu dagu duuhanga hegau,

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 15:29

Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

1 Corinthians 1:1

Mai i daho Paul, taane ne hagahia laa gi se dangada tala niio Klisdo Iesu, bei dagodo de hagatau a de Maadua, aama taadeu daina go Sosthenes.

1 Corinthians 9:1

E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga?

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

2 Corinthians 11:5

Gai au e hagadaba bolo au e dee maolalo ange donu i gilaadeu e hagataba naa bolo gilaadeu ni dangada tala maolunga.

2 Corinthians 11:7

E aha, au ne haisala laa i dagu hai gi maolalo au, gai gi hagaamua ina ai goodou, ma dagu dee hai goodou gi hagao ina dagu agoago adu goodou i de longo danuaa a de Maadua?

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

2 Corinthians 2:12

Dogu masavaa ne hano ai ga agoago de longo danuaa o Klisdo i Troas, gai e dee galemu donu Tagi Maolunga gu gaamai gi de au dahi masavaa danuaa,

2 Corinthians 4:5

Gai gimaadeu e dee agoago i omaadeu dagodo, aagai go dagodo o Iesu Klisdo Tagi Maolunga, gai gimaadeu go oodou dangada hai hegau i hiidinga o Iesu.

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

Deuteronomy 10:8

De masavaa laa gai Tagi Maolunga ne hili ange de aamuli o Levi, gi sabaia de ngavesi o de hagatoo donu hagaheloongoi a Tagi Maolunga, ma de hai hegau a Tagi Maolunga i dono hale, aama de hagamanuuia i dono ingoo, ga dae mai ai gi anailaa nei.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Philippians 2:11

gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

Colossians 1:1

Mai i daho Paul, tangada tala o Klisdo Iesu bei dagodo de hagatau a de Maadua, aama Timothy taadeu daina.

Colossians 1:25

Gai au ne hai go tangada hai hegau niio de nohoanga dabu, bei dagodo de hagadabu gu gaamai laa gi de au i daho de Maadua, gai au ga hai ai goodou gi iloo danuaa muna a de Maadua;

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

1 Thessalonians 2:8

Gimaadeu e aloha mmao i goodou, deelaa ai, gimaadeu tee malangilangi donu huu i de gaavadu gi goodou de longo danuaa a de Maadua, aagai go omaadeu mouli hogi.

1 Thessalonians 2:9

Denga daina, goodou manadua demaadeu hagaduu ngae ga hai hegau i oodou magavaa! Gai gimaadeu ne hai hegau i de boo ma de laangi gi dee hagadaemaha ina ai e gimaadeu dahi goodou i de masavaa amaadeu e tala adu ai de longo danuaa a de Maadua gi goodou.

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

2 Timothy 1:11

Gai au ne hili gi se dangada e hagadele ina aama de agoago i de longo danuaa nei,

Titus 1:1

Mai i daho Paul, tangada hai hegau o de Maadua, gai se dangada tala niio Iesu Klisdo, e hai ai gi hagadagadaga age kai o dangada a de Maadua gu lava laa i de hili, ma delaadeu iloo de mee abodonu, e haia laa gi maua e gilaadeu i de hai lodo o de Maadua,

Hebrews 5:4

Gai e deai donu se dangada e maua i de kave donu huu tuulanga nei, aagai go de Maadua e hilia ange ia aagena, bei dana hai ne hili ange ai laa Aaron.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 22:9

Aagai ia ne hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina go denga pelaabisi, aama gilaadeu alodahi e daohia muna e sisi i de beebaa nei. Gai koe daumaha ange gi de Maadua.”