Revelation 9:2 - De Beebaa Dabu

² Gai ia ne hhuge de geelonga e deai laa sono dagelo, gai gu hanage dahi useahi bei de useahi o de ahi mmahi, gai de laa ma lo te moana gu gohu i de useahi mai i lo te geelonga laa.

Revelation 9:2 Iomraidhean Croise

Genesis 15:17

Gai ga danu huu de laa, ga gohu de mee, gai tilo, de useahi e buu age i lo te gumedi e hhao ai laa de ahi, gai dahi laama ula e aheahe saele i magavaa o denga duudangaa manu laa.

Genesis 19:28

Gai ia gu gidee adu de mommee iai Sodom ma Gomorrah aama mommee alodahi e soe ai de henua, gai ia gu gidee hogi de useahi e buu age i de henua, bei dagodo o de useahi o de ahi mmahi laumalie.

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Isaiah 14:31

De haitoga, koe gi dangi see; de aduhale oo ma gi dangi! De gau Philistia alodahi, goodou gi bolebole ma de maatagu! Go hiidinga dahi hagabuulinga hebagi bei de useahi laumalie gu humai i ngaiho, gai e deai donu se daane iai e doo gi muli.

Daniel 3:6

Gai be goai naa huu e dee duuduli e daumaha, gai e kave i de masavaa moolau e maga ange gi lo te ahi ula mmahi.”

Joel 2:10

Henua i lalo ma de langi gu ngalungaalue i delaadeu loomai. De laa ma de maasina gu hagagohu, gai denga heduu gu llilo gu dee maalama.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Joel 2:30

Gai au e hai naa mee hagalele mouli i lo te langi ma honga henua i lalo, i denga dodo, ma de ahi aama de useahi.

Acts 2:19

Gai au e hai naa denga mee hagalele mouli i lo te langi i lunga, ma de hai denga sauaa i henua i lalo, i dodo, ma de ahi, aama de useahi maadolu.

Revelation 14:11

Gai de useahi o de ahi e hagaduasala ai laa gilaadeu, e buu ga hano ai e dee ngado mai. Gai e deai donu se hagammabu o dangada e daumaha ange laa gi de manu alasala laa ma dono diinonga, aama gilaadeu alodahi gu gaavee de maaga o dono ingoo, i de laangi ma de boo.”

Revelation 16:10

Gai de lima dangada de langi ne llingi ange mee i lo tana boolo gi honga de nohoanga o de manu alasala laa, gai dono nohoanga hodooligi gu gohu. Gai dangada ga gadigadi olaadeu alelo i hiidinga de kona delaadeu duasala i de mmae,

Revelation 8:12

Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.

Revelation 9:11

Gai e dahi hodooligi e dagina gilaadeu, go tangada de langi o de geelonga e deai laa sono dagelo; dono ingoo i muna Hebrew go Abaddon, gai muna Greek go Apollyon.

Revelation 9:17

Gai aanei dagodo o denga hoosa aagu ne gidee laa i dagu midi ma gilaadeu e kage ai: gilaadeu e kahu i mee buibui hadahada, gai e bei de leebunga o de ula o de ahi ma de hadu hagamogomogo go de sapphire ma sulfur, biho o denga hoosa laa e bei biho o denga laiono, gai de ahi ma de useahi aama sulfur e loomai i lodo olaadeu ngudu.