Revelation 8:4 - De Beebaa Dabu

⁴ Gai de useahi o mee maanongi laa gu buu age madali dalodalo a dangada o de Maadua, mai i lo te lima o tangada de langi e duu laa i mada luu mada o de Maadua.

Revelation 8:4 Iomraidhean Croise

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Exodus 30:1

“Gai koe haia dahi mommee o ssigidaumaha o mee maanongi i laagau acacia.

Numbers 7:62

ma e dahi gumedi goolo e madaangahulu shekel de daemaha, e hhao ma e honu i mee maanongi;

Luke 1:10

Gai dangada soa e dalodalo i duaahaho i de masavaa e hai ai ssigidaumaha.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

Revelation 15:8

Gai de useahi o de mahamaha o de Maadua ma dono sauaa gu hhao lo te hale dabu, gai gu deai donu dangada e maua i de ulu gi lo te hale dabu, ga dae ai gi de odi i de hai denga mee hagamaakau e hidu a denga dangada de langi dogohidu laa.

Revelation 8:3

Gai dahi dangada de langi ange laa ne humai ga duu i gaogao de mommee o ssigidaumaha, ma dahi mee goolo e dudu ai laa mee maanongi. Gai gu gaavange gi de ia hanu mee maanongi lagolago mmao, gai ia ga hai ai ssigidaumaha madali dalodalo a dangada o de Maadua alodahi, i honga de mommee o ssigidaumaha goolo i mada i mua o de nohoanga hodooligi laa.