Revelation 8:13 - De Beebaa Dabu

¹³ Gai au ne gidee ma de langona dahi igele e hagadaba i de leo mmahi, i dono masavaa e lele ai i lo te moana, “E vakaa naa, e vakaa naa, e vakaa naa dangada e nnoho i henua i lalo, go hiidinga denga dangada de langi dogodolu ange laa gu dai ili naa alaadeu trumpet!”

Revelation 8:13 Iomraidhean Croise

Psalm 103:20

Duuhia Tagi Maolunga, goodou ono dangada de langi, go goodou de gau mmahi e haia ono lodo, ma de daudali i ana muna.

Ezekiel 2:10

gai ia ne doha de beebaa laa i ogu mada i mua. Gai luu baasi ngaadahi e sisi ai dagodo o tangi see ma de hinangalosaa, aama de duasala.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Revelation 11:14

Gai gu ui de lua hagaduasala, gai tilo, tolu hagaduasala e moolau naa donu de dae mai!

Revelation 12:12

Deenei ai, de langi, malangilangi, ma goodou alodahi e nnoho i kilaa! Aagai e vakaa naa henua i lalo ma tai, go hiidinga de ia hagabaubau laa gu bole ma gu hano iho ai gi goodou, go hiidinga ia gu iloo bolo dono masavaa gu bodobodo.”

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Revelation 19:17

Gai au ne gidee hogi dahi dangada de langi e duu i honga de laa. Gai ia ne oo i de leo mmahi ga hai ange gi manu alodahi e llele i lo te moana, “Goodou hagabuni mai gaimee i taonga laumalie a de Maadua,

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Revelation 8:2

Gai au ne gidee denga dangada de langi dogohidu e tuu laa i mada luu mada o de Maadua, gai gu gaavange gi gilaadeu e hidu trumpet.

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.

Revelation 9:12

Tahi hagaduasala gu ui, gai tilo, e lua ange mee hagaduasala e loomai.