Revelation 8:12 - De Beebaa Dabu

¹² Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.

Revelation 8:12 Iomraidhean Croise

Isaiah 13:10

Denga heduu i lo te langi ma olaadeu hagabuulinga e dee maalama naa. De laa e gohu naa i de masavaa e hanage ai, gai de maasina e dee maalama naa hogi.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Jeremiah 4:23

Au ne galo ange ga tilo dagodo o henua i lalo, gai tilo, e vinigoso ma tee hagatau danuaa; gai au ne galo age gi de langi, gai gu deai maalama iai.

Joel 2:10

Henua i lalo ma de langi gu ngalungaalue i delaadeu loomai. De laa ma de maasina gu hagagohu, gai denga heduu gu llilo gu dee maalama.

Joel 2:31

De laa e hagagohu naa, gai de maasina e bei naa denga dodo, i mua de dae mai de laangi maolunga ma de hagamaatagu o Tagi Maolunga.

Joel 3:15

De laa ma de maasina e hagagohu naa, gai denga heduu e llilo naa.

Amos 8:9

Gai e hagadaba de Ia Aamua go Iahweh, “De laangi laa gai au e hai naa gi danu de laa i lo te madohi lua o de laangi, gai de henua e hagagohu i de masavaa goi ao ai de mee.

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Mark 13:24

“Aagai dua naa huu denga laangi hai ngadaa laa, gai de laa gu hagagohu, gai de maasina gu deai sono maalama;

Mark 15:33

Gai de hualaangi huu, gai gu gohu honga de henua alodahi, ga dae ai gi tolu i de ahiahi.

Luke 21:25

“Gai e hai naa denga hagailonga i lo te laa ma lo te maasina aama denga heduu. Gai e hai ngadaa naa ma teai se tali a denga huaahenua i henua i lalo, i de masavaa e haganngolo ai de moana ma de beabeau o de moana.

Acts 2:20

De laa e hagagohu naa, gai de maasina e bei naa denga dodo i mua de dae mai o de laangi maolunga ma de hagamaatagu o Tagi Maolunga.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 16:10

Gai de lima dangada de langi ne llingi ange mee i lo tana boolo gi honga de nohoanga o de manu alasala laa, gai dono nohoanga hodooligi gu gohu. Gai dangada ga gadigadi olaadeu alelo i hiidinga de kona delaadeu duasala i de mmae,

Revelation 6:12

Gai de masavaa aana ne oha ai de ono mee hagamakaga laa, gai au ne gidee bolo gu kona de ngalungalue de henua; de laa gu gohu bei de malo daladala uli, gai de maasina alodahi gu mmea bei denga dodo,

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.

Revelation 9:18

Gai denga mee hagamaakau laa ne daa ga maakau e dahi diba i diba e dolu o dangada alodahi, i de ahi ula ma de useahi aama sulfur e ssao mai laa i lodo ngudu o denga hoosa laa.