Revelation 8:11 - De Beebaa Dabu

¹¹ Gai de ingoo o de heduu laa go de Mmala. Gai dahi diba i diba e dolu o denga vai gu mmala, gai gu soa dangada ne maakau i hiidinga o denga vai mmala laa.

Revelation 8:11 Iomraidhean Croise

Exodus 15:23

Gai de masavaa huu olaadeu ne tae ai gi Marah, gai gilaadeu tee maua i de unu vai i Marah, go hiidinga e mmala vai iai; deelaa ai, de mommee laa gu hagaingoo ange go Marah.

Proverbs 5:4

aagai dono hagaodi e hagammau bei de mee mmala, gai e kangi bei de gadilaasa baasi lua.

Jeremiah 23:15

Deenei ai, e hagadaba Tagi o denga hagabuulinga hebagi i dagodo o denga pelaabisi: “Tilo, au e hai naa gilaadeu gi gaina mee mmala ma de hagaunu gilaadeu i vai hagammau, i hiidinga denga pelaabisi o Jerusalem gu hai gi laumalie baubau i honga de henua alodahi.”

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Lamentations 3:19

Au e manadua dogu duasala ma dogu silivaahea saele, de mee mmala ma de hagammau!

Lamentations 3:5

Ia gu duuli au ma de haoli au i de hai ngadaa ma de hagaduasala;

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

Zechariah 13:8

E hagadaba Tagi Maolunga: E lua naa diba i diba e dolu o dangada e daa ga maakau i honga de henua alodahi, gai dahi diba i diba e dolu e doe.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Deuteronomy 29:18

Gai goodou dagidiiloo gi deai se daane be se hine, be se huaabodu, aabe se aamuli e daahuli gee i Tagi Maolunga doodou Maadua ailaa nei, ga daumaha ange gi diinonga o denga huaahenua. Gai kana ange diiloo gi deai se goodou e bei dagodo o de manu somo, iai aga e hhua mai ai denga hua hagammau, ma de mmala i oodou magavaa.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.

Revelation 9:18

Gai denga mee hagamaakau laa ne daa ga maakau e dahi diba i diba e dolu o dangada alodahi, i de ahi ula ma de useahi aama sulfur e ssao mai laa i lodo ngudu o denga hoosa laa.

Ruth 1:20

Gai Naomi ga hai ange gi gilaadeu, “Goodou aude hagahia mai Naomi, gai hagahia mai Mara, go hiidinga de Ia Mmahi Mmao laa gu hai dogu mouli ma gu hai ngadaa.