Revelation 8:10 - De Beebaa Dabu

¹⁰ Gai togodolu dangada de langi ne ili dana trumpet, gai dahi heduu laumalie mmao i lo te langi gu doo iho, gai e ula bei de lama gu haula laa, gai ne doo iho gi honga e dahi diba i diba e dolu o denga leevaa, ma denga saalingaa vai alodahi.

Revelation 8:10 Iomraidhean Croise

2 Chronicles 32:3

gai ia ga hai dahi hagasaele madali dagi o de henua aama ono daane mmahi, e pono ai denga vai i tua de aduhale, gai gilaadeu ga bale ange ia.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Isaiah 14:12

Koe gu tili iho mai i de langi, de heduu o taiao, gai go de heduu maalama laa! Iainei koe ne tili iho gi henua i lalo, gai koe nogo hagadee kii denga huaahenua i mua!

Zechariah 13:8

E hagadaba Tagi Maolunga: E lua naa diba i diba e dolu o dangada e daa ga maakau i honga de henua alodahi, gai dahi diba i diba e dolu e doe.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Matthew 25:1

“De masavaa laa gai de nohoanga hodooligi o de langi e bei naa dagodo o tinoangahulu bua mmoe, e kave laa alaadeu laama e hulo ai e hedae ange gi taane gu dai hagahai bodu.

Luke 10:18

Iesu ne hai ange gi gilaadeu, “Au ne gidee de doo iho o Satan mai i de langi bei dagodo o de uila.

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 16:4

Gai tolu dangada de langi ne llingi ange mee i lo tana boolo gi honga denga leevaa ma saalingaa vai, gai vai alodahi gu ni dodo.

Revelation 6:13

gai denga heduu i lo te langi gu too iho gi henua i lalo, bei dagodo o de fig e malili laa ono hua mmodo i de ssau mai o de madangi mmahi.

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.

Revelation 9:18

Gai denga mee hagamaakau laa ne daa ga maakau e dahi diba i diba e dolu o dangada alodahi, i de ahi ula ma de useahi aama sulfur e ssao mai laa i lodo ngudu o denga hoosa laa.

Judges 15:11

Gai se dolumano daane o Judah ne loiho gi lo te haonga i lo te baba o Etam, ga hai ange gi Samson, “Koe e dee iloo nei bolo gidaadeu e nnoho i lalo o de gau Philistia? Gai se hegau bee hee aau gu hai mai nei gi gimaadeu?” Ia ne hai ange gi gilaadeu, “Au ne sui ange donu huu alaadeu mee gu hai mai gi de au.”