Revelation 7:12 - De Beebaa Dabu

¹² ga hagataba, “Amen! De manuuia, ma de mahamaha, ma de heiangi, ma de hagaahe ange de abodonu, ma de hagadubu, ma ssauaa aama de mmahi ni mee nii taadeu Maadua ga hano ai e dee ngado mai! Amen.”

Revelation 7:12 Iomraidhean Croise

Nehemiah 12:46

Madagidagi loo i de masavaa o David ma Asaph, gai e hanu e dagina de gau daahili, ma denga daahili tuhi ma de hagaahe ange ai de abodonu gi de Maadua.

Nehemiah 12:8

Denga hagadiilinga o Levi: go Jeshua, ma Binnui, ma Kadmiel, ma Sherebiah, ma Judah, aama Mattaniah, go gilaadeu ma ono daina e dagina denga daahili e hagaahe ange ai de abodonu.

Psalm 100:4

Ulu i denga haitoga o dono hale hagaahea ange de abodonu, ulu gi lodo ono buibui hagadegi ina ai ia; hagaahea ange de abodonu gi de ia, ma de hagadegi dono ingoo.

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

Psalm 107:22

Gilaadeu gi haia denga sigidaumaha o de hagadegi, ma de tala ana mee gu hai i denga daahili hagamalangilangi!

Psalm 116:17

Tagi Maolunga, au e hai ssigidaumaha o de hagadegi, aama de hagahi adu goe.

Psalm 147:7

Daahili ange gi Tagi Maolunga ma de hagaahe ange de abodonu; hagadangidangi ange gi taadeu Maadua i de harp.

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Psalm 50:14

Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 89:52

Duuhia Tagi Maolunga ga hano ai! Amen gai Amen.

Psalm 95:2

Gidaadeu ga hulo gi ono mada i mua e hagaahe ange ai de abodonu, ma de hagaamua ia i taahili tuhi.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jonah 2:9

Aagai au e hagaahe adu donu de abodonu ma de ssigidaumaha adu gi de goe. Au e hai naa donu gi bei agu mee gu hagatoo donu ai. De hagaola se mee mai i daho Tagi Maolunga.”

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

1 Corinthians 14:16

Gai noo koe e hagaahe ange de abodonu gi de Maadua i doo hagasaalunga, gai dee hee naa de hai o dahi dangada gee hagadaba ai, “Amen,” gai ia e dee donu adu gi au muna?

2 Corinthians 4:15

Mee nei alodahi ne hai i oodou hiidinga; gai gi kii ange ai de soa dangada e gaavee de abodonu o de Maadua, gai gu kii ange hogi de laumalie de hagaahe ange de abodonu aama de hagamahamaha ina o de Maadua.

Colossians 2:7

gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 19:4

Gai denga daane maatua e dinolua ma dogohaa laa ma denga mee mouli e haa laa ga hagabaakuu gi honga de gelegele ga daumaha ange gi de Maadua e noho laa i honga de nohoanga, ga hagataba, “Amen. Hallelujah!”