Revelation 7:1 - De Beebaa Dabu

¹ Dua mee laa gai au ne gidee e dogohaa dangada de langi e tuu i denga dege e haa o henua i lalo, ma e daohi ai de madangi gi dee ssau mai gi henua i lalo ma honga tai, aama honga denga manu ssomo.

Revelation 7:1 Iomraidhean Croise

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

Jeremiah 49:36

Au e gaamai naa denga madangi e haa i dege e haa o de langi gi hai baasi ange gi Elam. Au e hai naa gilaadeu gi mavaevae saele i denga madangi e haa, gai e deai naa donu se huaahenua o dangada o Elam e dee mavaevae saele aagena.

Ezekiel 37:9

Gai ia ne hai mai gi de au, “Tama a tangada, basa pelaabisi ange gi de madangi; tama a tangada, basa pelaabisi hai ange gi de madangi, ‘E hagadaba de Ia Aamua go Iahweh: De madangi i dege e haa o henua i lalo, ssau mai gi honga o de gau maakau nei, gi mouli ai gilaadeu.’ ”

Ezekiel 7:2

“Tama a tangada, daalaa ange muna a de Ia Aamua go Iahweh gi de henua o Israel: De hagaodi! De hagaodi gu dae mai donu gi denga dege e haa o de henua.

Daniel 11:4

Gai de masavaa oona ne dae age ai, gai dono nohoanga hodooligi e oha naa ga vaevae ange gi denga dege e haa o de langi; e dee gaavange gi ono hagadiilinga, gai e deai naa hogi sono sauaa e dagi ai, go hiidinga dono nohoanga hodooligi e oha naa ga gaavange gi hanu dangada gee.

Daniel 7:2

Daniel ne hai ange, “Au ne hai dahi midi i de boo; gai au ne gidee denga madangi e haa i dege o de langi e hagabeabeau tai laumalie.

Daniel 8:8

Gai de guudi laa gu hagadaga ange de mmahi. Aagai de masavaa ne kona ai dono mmahi, gai dono hanga laumalie laa gu hadi ga doo, gai gu ssomo age ange e haa hanga nnui i dono duulanga, ga huuhuli ange gi denga dege e haa o de langi.

Jonah 1:4

Gai Tagi Maolunga ne hai gi ssau dahi madangi mmahi i honga tai, gai de madangi mmahi laa ne hai ga dai maoha de vaga laa.

Zechariah 6:1

Au ne galo age ange ga gidee e haa hada hebagi e ssao mai i magavaa o e lua mounga; gai luu mounga laa e hai i denga bronze.

Zechariah 6:5

Tangada de langi laa ne hai mai gi de au, “Aanei denga madangi e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Mark 13:27

Gai ia e hai naa ana dangada de langi gi hulo, gi hagabuni ina mai ana dangada gu hili i denga madangi e haa, aama mai i luu bido o henua i lalo ma luu bido o de langi.

Revelation 20:8

gai ia e sao mai naa ga hagasenga denga huaahenua i henua i lalo alodahi, e bei go Gog ma Magog, ga hagabuni mai gilaadeu e hagadabena ange gi de hebagi; gai taelodo o de gau laa e bei denga gelegele i gabugabu tai.

Revelation 6:6

Gai au ne langona dahi mee be se leo i magavaa o denga mee mouli e haa laa, e hagadaba, “Dahi koada wheat se dahi denarius e hagao ai, gai e dolu koada barley se dahi denarius e hagao ai, gai koe aude hai moumou ina denga lolo ma uvaini!”

Revelation 7:3

ga hai ange, “Goodou aude dugua ange de madangi gi oohaa henua i lalo, be go tai aabe go denga manu ssomo, ga dae ai gi de lava taadeu hagailonga honga lae o de gau hai hegau o taadeu Maadua.”

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Revelation 9:14

ga hai ange gi togoono dangada de langi ne ilihia laa de trumpet, “Daalaa mee noonoa o denga dangada de langi dogohaa e noonoa laa i ssaalingaa vai laumalie go Euphrates.”

Revelation 9:4

Gai gu tala ange gilaadeu gi dee hagammae ina denga helii o henua i lalo, aabe go hanu manu ssomo nnui aama manu ange laa, aagai go dangada donu huu tigi hagailonga laa honga olaadeu lae i de hagailonga o de Maadua.