Revelation 6:8 - De Beebaa Dabu

⁸ Gai au ne galo age, ga gidee dahi hoosa mada tea, gai de ia e gage i ono elunga e hagaingoo ange go de Magau, gai Hades e daudali ange i de ia. Gai gu gaavange gi gilaau ssauaa e daa ai gi maakau e dahi diba i diba e haa o dangada i henua i lalo, i de gadilaasa, ma de onge, ma denga mee hagamaakau, aama denga manu alasala i honga de henua.

Revelation 6:8 Iomraidhean Croise

Proverbs 5:5

De hine bee nei e seesee i de haiava o de magau, gai luoono vae e dagi ange goe gi de mommee o de gau maakau.

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Jeremiah 14:12

Gai ga hagahiikai naa donu gilaadeu, aagai au e dee hagallongo donu alaadeu dalodalo. Gai e dee galemu naa donu delaadeu hai denga sigidaumaha dudu ma sigidaumaha o grain, aagai au e dee malangilangi donu i mee nei. Aagai au e daa gilaadeu gi maakau i de gadilaasa, ma de onge aama de mee hagamaakau.”

Jeremiah 16:16

Aagai au e aalu naa de gau haangoda soa, go Tagi Maolunga e hagadaba, gai gilaadeu ga haangoda gilaadeu. Dua mee nei gai au e aalu naa gi loomai de gau dili manu soa, gai gilaadeu ga dilidili gilaadeu i honga mounga alodahi, ma duuduu aama lodo haonga i magavaa hadu.

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Jeremiah 24:10

Gai au e hai naa de gadilaasa, ma de onge, aama de mee hagamaakau, gi hebagi ange gi gilaadeu ga dae ai gi de odi gilaadeu i de maakau i de henua aagu gu gaavange gi gilaadeu ma olaadeu dubuna madagidagi.”

Jeremiah 29:17

aanei muna a Tagi o denga hagabuulinga hebagi adu gi goodou: Au e gaamai naa de gadilaasa, ma de onge aama de mee hagamaakau e hai baasi ange ai gi gilaadeu. Au e hai naa gilaadeu bei hua o de fig gu hakino gee laa ma gu dee maua i de gai.

Jeremiah 43:11

Ia e humai naa ga hebagi ange gi de henua go Egypt; ga daa gi maakau dangada gu hagamodu laa bolo e maakau i de mee hagamaakau, ma de kave dangada gu hagamodu laa bolo e kave gee i de henua, gai dangada gu hagamodu laa bolo e daa gi maakau i de gadilaasa, e maakau i de gadilaasa.

Ezekiel 29:5

Gai au e maga naa goe gi de vao, madali denga mamu alodahi mai i lodo oo saalingaa vai. Koe e daia naa ga magau i lo te duu malaelae gai koe e dee danu naa donu aabe hagabudu oo ivi. Au e gaavange naa oo kano e gai denga manu dolodolo ma manu llele.

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Habakkuk 2:5

E dahi ange mee, denga uvaini e hagasenga ia; ia e lodo maolunga gai e dee hagamabu donu. Go hiidinga dono nnoo hagamau mee e bei de mommee o de gau maakau, gai e bei de magau e dee maua laa gi lava ana dangada e kave; ia e hagabudu denga huaahenua alodahi, ma de hagadee kii denga huaadangada alodahi.

Zechariah 6:3

tolu hada ni hoosa tea, gai de hagahaa hada ni hoosa daubulebule.

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

Matthew 24:7

Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee.

1 Corinthians 15:55

“De magau, i hee iai doo kii? De magau, i hee iai doo sauaa e hagammae ai?”

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.

Revelation 9:18

Gai denga mee hagamaakau laa ne daa ga maakau e dahi diba i diba e dolu o dangada alodahi, i de ahi ula ma de useahi aama sulfur e ssao mai laa i lodo ngudu o denga hoosa laa.