Revelation 6:4 - De Beebaa Dabu

⁴ Gai gu sao mai ange hogi dahi hoosa, se hoosa mmea. Gai gu gaavange gi tangada e gage i ono elunga ssauaa e hai ai gi dee nnoho paba dangada i henua i lalo, ma de hai dangada gi hagadau daia gilaadeu gi maakau. Gai ne gaavange hogi dahi gadilaasa looloa gi de ia.

Revelation 6:4 Iomraidhean Croise

Psalm 17:13

Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.

Daniel 5:19

Gai go hiidinga de Maadua ne gaavange gi de ia dahi duulanga maolunga, gai denga huaadangada alodahi, ma huaahenua, ma dangada e pasa i denga hagadaagangaa muna ne maatagu ma de bolebole i ono mada i mua. Gai tangada naa huu aana e lodo e daa gi magau, gai ia ga daa gu magau; gai tangada aana e lodo e hagaola, gai ia ga hagaola; tangada aana e lodo e hagaamua, gai ia ne hagaamua; gai tangada aana ne lodo e hagamaolalo, gai ia ne hai gi maolalo.

Zechariah 1:8

Au ne hai dahi midi hagaago ange i de boo, gai tilo, dahi daane e gage i honga dahi hoosa mmea. Gai ia e duu i magavaa o manu ssomo go denga myrtle i dahi mommee gelo. Gai e hanu hoosa mmea, ma hoosa kaagii, aama hoosa tea e tuu i ono dua.

Zechariah 6:2

Tahi hada hebagi ni hoosa mmea e daangia, gai de lua hada hebagi ni hoosa uli;

Matthew 10:34

“Goodou aude maanadu bolo au ne humai e gaamai de baba gi henua i lalo. Au tee humai e gaamai de baba, aagai go de gadilaasa.

Matthew 24:6

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 13:10

Noo tangada e kave gi dahi henua gee, gai ia e gaavee naa donu gi dahi henua gee. Noo e daa ia gi daa gi magau i de gadilaasa, gai ia e daia naa donu gi magau i de gadilaasa. De mee nei se hagahi ange gi dangada o de Maadua, gilaadeu gi hagaduu ngae i de golomagi lodo ma de gai.

Revelation 17:3

Gai ia ne kave au gi de vao i ssauaa o de Hagasaalunga ⌊Dabu⌋. Gai au ne gidee dahi hahine e gage i honga dahi manu mmea alasala, gai dono angaanga e sisi ange aagena denga ingoo e hagangadi mee ina de Maadua, gai de manu laa e hidu ono biho ma e madaangahulu hanga.

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.