Revelation 6:11 - De Beebaa Dabu

¹¹ Gai gu gaavange gi gilaadeu denga malo tea, ma de tala ange gilaadeu gi hagammabu ange i dahi masavaa bodobodo, ga dae ai gi de odi mai olaadeu soa ange laa, gai olaadeu daina ne daia laa ga maakau bei olaadeu dagodo gu odi ange hogi.

Revelation 6:11 Iomraidhean Croise

Daniel 12:13

Aagai koe, hannoo i doo haiava, ga dae ai gi de hagaodi, gai koe ga hagamabu, gai laangi hagaodi naa huu, gai koe e kave naa tuuhanga gu hagadabena adu gi de goe i laangi hagaodi.”

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Luke 15:22

Gai tamana ga hai ange gi ono dangada hai hegau, ‘Goodou hagamoolau gaamai de malo danuaa hakahu ina ange ai ia. Gai ulumagina ange de buulei gi dono lima aama mee vae gi luoono vae.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

Hebrews 11:40

go hiidinga de Maadua gu hai dahi hagatau e danuaa ange i mee nei mai gi gidaadeu alodahi, gai ia ga hai ai gilaadeu alodahi gi heohi abodonu madali gidaadeu.

Hebrews 12:23

aama de nohoanga dabu o denga ganimua, go dangada gu sisi olaadeu ingoo i de langi. Goodou gu loomai gi de Maadua, de Ia Hagamodu Muna o dangada alodahi, ma hagasaalunga o dangada e heohi ma de hoohonu abodonu olaadeu dagodo,

Hebrews 4:10

go hiidinga tangada gu ulu i de hagamaabunga a de Maadua gu hagamabu mai hogi i ana hegau, bei de hai o de Maadua ne hagamabu ai laa i ana hegau.

Revelation 10:6

ga hagatoo donu i de ingoo o de ia e mouli laa ga hano ai e dee ngado mai, go de ia ne haia de langi ma mee alodahi iai, ma henua i lalo ma mee alodahi iai, ma tai ma mee alodahi i ono lodo, ga hagadaba, “Gu odi de masavaa!

Revelation 13:15

Gai gu gaavange ssauaa gi de lua manu alasala laa gi haia ai gi manamanava tiinonga laa, gai tiinonga laa gu maua i de basa, ma de daa gi maakau dangada e dee daumaha ange gi tiinonga o de manu laa.

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.