Revelation 5:9 - De Beebaa Dabu

⁹ Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Revelation 5:9 Iomraidhean Croise

Psalm 144:9

De Maadua, au e daahili adu gi de goe i dahi daahili hoou; ma de hagadangidangi adu i de harp e madaangahulu ono daula,

Psalm 149:1

Duuhia Tagi Maolunga! Daahili ange gi Tagi Maolunga i taahili hoou, dono tuhi gi haia i daho de hagabuulinga o de gau dabu.

Psalm 33:3

Daahili ange gi de ia i taahili hoou; hagadangidangi ma de hevaalogi i de malangilangi.

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Psalm 96:1

Daahili ange gi Tagi Maolunga i taahili hoou; henua i lalo alodahi, daahili ange gi Tagi Maolunga.

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Daniel 3:4

Gai ne hagailoo ange gi dangada i de leo laumalie, ga hai ange, “E hagailoo adu gi goodou denga huaadangada, ma huaahenua, aama dangada e pasa i denga hagadaagangaa muna:

Daniel 4:1

Mai i daho de hodooligi go Nebuchadnezzar, ange gi denga huaadangada alodahi, ma huaahenua, ma dangada e pasa i denga hagadaagangaa muna, aama dangada e nnoho i henua i lalo alodahi: gi laumalie doodou nnoho paba!

Daniel 5:19

Gai go hiidinga de Maadua ne gaavange gi de ia dahi duulanga maolunga, gai denga huaadangada alodahi, ma huaahenua, ma dangada e pasa i denga hagadaagangaa muna ne maatagu ma de bolebole i ono mada i mua. Gai tangada naa huu aana e lodo e daa gi magau, gai ia ga daa gu magau; gai tangada aana e lodo e hagaola, gai ia ga hagaola; tangada aana e lodo e hagaamua, gai ia ne hagaamua; gai tangada aana ne lodo e hagamaolalo, gai ia ne hai gi maolalo.

Daniel 6:25

Gai de hodooligi go Darius ne sisi ange gi denga huaadangada ma huaahenua ma dangada e pasa i denga hagadaagangaa muna alodahi i dono nohoanga hodooligi alodahi, ga hai ange: “Gi laumalie doodou nnoho paba!

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

1 Corinthians 6:20

goodou ne hagao ina i dahi hagaoanga laumalie. Deenei ai, goodou hagamahamaha ina de Maadua i oodou angaanga.

1 Corinthians 7:23

Goodou ne hagao i dahi hagaoanga laumalie; goodou e dee ni dangada hai hegau niio dangada.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 5:19

Gai goodou hagadau pasa i denga Psalm, ma denga daahili daumaha, aama daahili i de baasi gi de hagasaalunga. Goodou daahili ga tuhi Tagi Maolunga i oodou lodo alodahi,

Colossians 1:14

go de ia ne hagaola ina gidaadeu, ga degi mai gi odaadeu haisala.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Hebrews 11:14

Gai dangada e daalaa hanu muna nei e hagaago mai, bolo gilaadeu e ssala dahi henua moolaadeu.

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Revelation 10:11

Gai gilaadeu ne tala mai hogi gi de au, “Basa pelaabisi daalaa dagodo o denga huaadangada soa, ma huaahenua, ma dangada e pasa i denga hagadaagangaa muna, aama denga hodooligi.”

Revelation 11:9

Gai dangada i denga huaadangada ma aamuli alodahi ma dangada e pasa i denga hagadaagangaa muna, ma denga huaahenua alodahi e loomai naa ga haina angaanga o luu daane gu maakau laa i e dolu ma de bido laangi, gai gilaadeu tee llodo donu e dugu ange dangada gi danumia olaau angaanga.

Revelation 13:7

Gai gu gaavange ssauaa gi de manu laa gi hebagi ange ai gi dangada o de Maadua, ma de hagadee kii gilaadeu. Gai gu gaavange gi de ia ssauaa e dagi ai denga aamuli alodahi, ma denga huaadangada, ma dangada e pasa i denga hagadaagangaa muna, aama denga huaahenua alodahi.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

Revelation 5:12

e daahili ma e hagataba, “Ssiibi Gauligi ne daa laa ga magau, e bau ange gi de kave ssauaa, ma de lava, ma de heiangi, ma de mmahi, ma de hagadubu, ma de mahamaha aama de tuhi!”

Revelation 5:6

Gai au ne gidee hogi dahi Ssiibi Gauligi, e dagodo be se manu gu daia ma gu magau i mua, e duu i lo te ungaalodo o denga nohoanga laa, i magavaa o denga mee mouli laa aama denga daane maatua laa. Gai e hidu ono hanga ma e hidu ganomada, go denga hagasaalunga e hidu a de Maadua ne hai gi hulo gi henua i lalo alodahi.