Revelation 4:7 - De Beebaa Dabu

⁷ Tahi mee mouli laa e bei dagodo o de laiono, de lua e bei de kaau daane, gai luu mada o tolu e bei luu mada o tangada, gai de haa e bei de igele e lele laa.

Revelation 4:7 Iomraidhean Croise

Genesis 49:9

Judah e bei de laiono mmahi; dagu dama, koe e bei de manu gu daa laa dahi manu ma gu gai. Ia e bei de laiono e dogoduli laa ma e noho ai, ma de laiono hahine — goai e bau ange gi de hai ia gi hidi age?

2 Samuel 1:23

Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

Proverbs 28:2

De masavaa naa huu o de henua e haisala ai, gai gu soa dangada e dagina, aagai tangada e donu ange ma de iloo mee e hai ga nnoho paba dangada.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Ezekiel 1:10

Gai aanei dagodo o olaadeu mada: denga mee mouli e haa laa e dagidahi olaadeu mada bei luu mada o tangada, gai olaadeu mada i de baasi madau, e bei luu mada o de laiono; olaadeu mada i de baasi masui, e bei luu mada o de kaau; gai olaadeu mada ange laa, bei luu mada o de igele.

Ezekiel 1:8

Gai lalo olaadeu bakau, i denga baasi e haa laa iai hanu lima dangada. Gai e hanu olaadeu mada ma bakau,

Ezekiel 10:14

Gai dahi cherub laa e haa ono mada; luu mada i tahi biho laa e bei luu mada o de cherub, de lua e bei luu mada o tangada, tolu e bei luu mada o de laiono, gai de haa e bei luu mada o de igele.

Ezekiel 10:21

Denga mee mouli laa alodahi e dagihaa olaadeu mada, e dagihaa olaadeu bakau, gai e hanu mee be ni lima dangada i lalo olaadeu bakau.

Daniel 7:4

Tahi manu alasala laa e bei de laiono, gai ono bakau e bei bakau o de igele. Gai au ne duudagi de haaina, ga dae ai gi de aau gee luoono bakau, ma de hagahidi age ia gi duu i honga luu vae bei dagodo o tangada; gai gu gaavange gi de ia dahi hadu manava bei de hadu manava o tangada.

Obadiah 1:4

Gai e dee galemu naa donu doo lele ga maolunga bei de igele, ma de hai doo hoohanga i magavaa o denga heduu, gai au e tili iho naa donu goe gi lalo, go Tagi Maolunga e hagadaba.

Numbers 23:24

Tilo, dahi huaadangada e sula age naa bei dahi laiono hahine, gilaadeu e hiihidi age naa bei dagodo o de laiono mmahi. Ia e dee dagodo naa donu gi lalo ga dae ai gi de odi kano o de manu aana gu daa laa, ma de unu ono dodo.”

Numbers 24:9

Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Revelation 4:6

Mada i mua o de nohoanga laa iai dahi mee be se vai masalaba, bei de galaasa ma de malamalama bei de crystal. Gai luu baasi de nohoanga laa iai e haa mee mouli, gai olaadeu aloalo ma olaadeu dua e dohu i denga ganomada.

Revelation 6:3

Gai de masavaa huu a Ssiibi Gauligi ne oha ai de lua mee hagamakaga, gai au gu langona de lua mee mouli laa e hagadaba, “Sao hannoo!”

Revelation 6:5

Gai de masavaa huu a Ssiibi Gauligi laa ne oha ai tolu mee hagamakaga laa, gai au gu langona tolu mee mouli laa e hagadaba, “Sao hannoo!” Gai tilo, au ne gidee dahi hoosa uli, gai de ia e gage i ono elunga e daohi mee hagahidi i lo tono lima.

Revelation 6:7

Gai de masavaa huu a Ssiibi Gauligi ne oha ai de haa mee hagamakaga, gai au gu langona de haa mee mouli laa e hagataba, “Sao hannoo!”