Revelation 4:3 - De Beebaa Dabu

³ Gai de ia e noho ai laa e masalaba bei luu hadu hagamogomogo go de jasper ma de carnelian. Gai de umada e duuli ina laa luu baasi e bei de emerald.

Revelation 4:3 Iomraidhean Croise

Exodus 24:10

gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.

Exodus 28:18

de lua hagataaunga e dahi emerald, e dahi sapphire, gai e dahi diamond;

Exodus 39:11

de lua hagataaunga e dahi emerald, e dahi sapphire, e dahi diamond;

Isaiah 6:1

De ngadau huu o de hodooligi go Uzziah ne magau ai, gai au ne gidee de Ia Aamua laa e noho i honga dahi nohoanga maolunga ma de hagaamua, gai de bido i lalo o dono malo e hola ma e dohu ai lo te temple.

Ezekiel 1:26

Gai lo te moana i honga olaadeu biho laa iai dahi mee be se nohoanga hodooligi e hai i sapphire; gai honga de mee be se nohoanga hodooligi laa e noho ai dahi e bei hoolinga o tangada.

Ezekiel 1:28

Gai de maalama masalaba e duuli ai laa ia e bei de umada i lodo hagausinga i de laangi bala langi. Deenei dagu hai ne gidee ai dagodo o de mahamaha o Tagi Maolunga. De masavaa aagu ne gidee ai, gai au ga ino gi honga de gelegele, gai au gu langona de leo o dahi e basa ai.

Ezekiel 10:1

Gai tilo, au ne gidee dahi mee be se nohoanga, e hai i sapphire i baasi lunga de moana i honga biho o denga cherubim.

Ezekiel 28:13

Koe nogo noho i de veelenga a de Maadua go Eden; koe ne hagalaagii i denga hadu hagamogomogo alodahi, go de ruby, ma de topaz, ma de emerald, ma de chrysolite, ma de onyx, ma de jasper, ma de sapphire, ma de turquoise, aama de beryl. Gai mee e hagabigibigi ange aagena aama mee e maaga ai ni goolo. Mee nei ne hagadabena adu gi de goe, mai i de laangi oou ne hagadau ai.

Revelation 10:1

Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.