Revelation 4:11 - De Beebaa Dabu

¹¹ “Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

Revelation 4:11 Iomraidhean Croise

Genesis 1:1

Taamada de hai a de Maadua de langi ma henua i lalo,

2 Samuel 22:4

Au e hagahi Tagi Maolunga, go de ia e heohi dagu tuhi, gai au gu ola mai i ogu hagadaumee.

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

De Beebaa go Job 36:3

Au ne kave dogu iloo mee mai i de mommee mmao, ma de hagaago adu bolo de ia ne haia ngau e heohi.

Psalm 18:3

Au e hagahi Tagi Maolunga, go de ia e heohi dagu tuhi, gai au gu ola mai i ogu hagadaumee.

Psalm 68:34

Daalaa dagodo mahi o de Maadua; gai go ia iai ssauaa e dagi i honga o Israel, gai ono mahi e hagaago mai i lo te langi.

Exodus 20:11

Go hiidinga ne ono laangi a Tagi Maolunga ne hai ai de langi ma henua i lalo, ma tai ma mee alodahi i ono lodo, aagai ia ne hagamabu i de hagahidu laangi. Deelaa ai, Tagi Maolunga ne hagamanuuia de hidu laangi ga hai gi dabu.

Proverbs 16:4

Tagi Maolunga e hagahai hegau mee alodahi gi bei dana hagatau; ia e hagadabena ange donu hogi tangada baubau gi de laangi o de hagaduasala.

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

Jeremiah 10:11

Gai goodou hai ange gi gilaadeu: “E dee go denga diinonga ne haia de langi ma henua i lalo, gai gilaadeu e hai naa ga llilo i honga de henua ma lalo de langi.”

Jeremiah 32:17

Dogu Ia Aamua go Iahweh, koe ne hai de langi ma henua i lalo i doo sauaa laumalie ma doo lima mmahi. Gai e deai donu se mee daudahi e hai ngadaa adu gi de goe.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Acts 17:24

De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

Ephesians 3:9

ma de hai gi iloo e dangada alodahi de hagatau a de Maadua nogo dee iloo laa i denga masavaa gu hulo, go de ia ne haia mee alodahi,

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Hebrews 1:10

Gai ne hagadaba hogi, “Tagi Maolunga, koe ne hagadagodo tagelo o henua i lalo i taamada age, gai koe ne hai de langi i luoo lima donu.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

Revelation 10:6

ga hagatoo donu i de ingoo o de ia e mouli laa ga hano ai e dee ngado mai, go de ia ne haia de langi ma mee alodahi iai, ma henua i lalo ma mee alodahi iai, ma tai ma mee alodahi i ono lodo, ga hagadaba, “Gu odi de masavaa!

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 19:1

Dua mee nei gai au ne langona dahi mee bei de hevaalogi o de hagabuulingaa dangada soa i de langi, e hagataba, “Hallelujah! De hagaola ma de mahamaha, ma de mmahi mmao ni mee nii taadeu Maadua,

Revelation 5:12

e daahili ma e hagataba, “Ssiibi Gauligi ne daa laa ga magau, e bau ange gi de kave ssauaa, ma de lava, ma de heiangi, ma de mmahi, ma de hagadubu, ma de mahamaha aama de tuhi!”

Revelation 5:2

Gai au ne gidee dahi dangada de langi mmahi e oo i de leo mmahi ma e hagadaba, “Goai e bau ange gi de hhuge de beebaa mulo laa, ma de oha denga mee e hagamakaga ai laa?”

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.