Revelation 3:8 - De Beebaa Dabu

⁸ Au e iloo dagodo o au hegau. Tilo, au gu hhuge dahi abaaba i oo mada i mua, gai e deai donu e maua i de pono. Au e iloo bolo koe e dai deai donu oo mahi, aagai koe ne duudagi de daohi agu muna, koe tee hagadee iloo dogu ingoo.

Revelation 3:8 Iomraidhean Croise

Proverbs 30:9

kana gona odi naa huu de lagolago agu mee, gai au ga hagangadi mee goe, gai au ga hagadaba, “Goai donu go Tagi Maolunga?”, aabe e kona dogu hagaau aloha, gai au ga gaiaa, ga dee hagadubu ai de ingoo o dogu Maadua.

Daniel 11:34

Gai de masavaa naa huu olaadeu e maakau ai, gai gilaadeu e kave naa dahi damaa bale, gai e soa naa dangada e dau ange gi gilaadeu, i de hagasenga.

Luke 12:9

Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua.

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

1 Corinthians 16:9

go hiidinga gu dugua mai gi de au de masavaa danuaa e hagasula ai de hegau i kinei, aagai e soa hogi ogu hagadaumee.

2 Corinthians 2:12

Dogu masavaa ne hano ai ga agoago de longo danuaa o Klisdo i Troas, gai e dee galemu donu Tagi Maolunga gu gaamai gi de au dahi masavaa danuaa,

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Colossians 4:3

Goodou dalodalo hogi i gimaadeu, gai de Maadua ga dugu mai ai de masavaa danuaa e tala ai dagodo o Klisdo e dee iloo laa, deenei de hiidinga oogu gu noho ai nei i lo te hale pono.

1 Timothy 5:8

Aagai noo tangada e dee hagadanuaa ono dangada donu, go dangada i dono huaabodu, gai ia e hagangadi mee dono gai, gai ia e kii ange de baubau i tangada tigi hagadonusia laa.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Revelation 3:15

Au e iloo dagodo o au hegau: koe e dee maluulu gai e dee vvela hogi. Mee naa koe gi maluulu aabe gi vvela!

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.