Revelation 3:7 - De Beebaa Dabu

⁷ “Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Revelation 3:7 Iomraidhean Croise

De Beebaa go Job 11:10

Noo ia e humai ga hhao goe gi lo te hale pono, ma de hai ssiilingaa muna, gai goai naa e maua i de hai baasi ange gi de ia?

De Beebaa go Job 12:14

Noo ia e oha, gai e deai donu e maua i de hagaahe age; noo ia e tili ange gi lo te hale pono, gai e deai donu e maua i de hhuge.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Psalm 16:10

Go hiidinga koe e dee tili donu au i de mommee o de gau maakau, aabe dugu ange dau ia dabu gi gidee de geelonga laa.

Psalm 89:18

Tagi Maolunga, go koe demaadeu ia buibui, gai go de Ia Dabu o Israel ne gaamai demaadeu hodooligi.

Isaiah 22:22

Au e hagauda ange naa gi honga dono eu de gii o de hale o David; gai dana mee e hhuge e deai donu e maua i de pono, gai dana mee e pono e deai donu e maua i de hhuge.

Isaiah 30:11

Goodou hulo gee i de haiava nei, daa gee i de haiava nei, goodou aude daalaa mai muna a de Ia Dabu o Israel!”

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 41:16

Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Matthew 16:19

Gai au e gaavadu naa gi de goe de gii o de nohoanga hodooligi o de langi; gai be se aha naa huu aau e pono i henua i lalo, gai e pono hogi i de langi; gai be se aha naa huu aau e dugu ange gi hai i henua i lalo, gai e dugu ange hogi gi hai i de langi.”

Matthew 24:35

De langi ma henua i lalo e llilo naa donu, aagai agu muna e dee llilo donu.

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Luke 1:32

Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Luke 4:34

“Ni aha oou e lodo ai i omaadeu daha, Iesu tangada Nazareth? Koe ga humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Revelation 16:7

Gai au ne langona de mommee o ssigidaumaha ne basa ga hai ange, “Uaa, Tagi Maolunga de Maadua Mmahi Mmao laa, au hagamodu muna ni muna abodonu gai e heohi!”

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 19:2

gai ana hagamodu ni muna abodonu ma de heohi. Ia gu hagamodu muna o de hine hai be se manu, ne haia laa ga hakino gee henua i lalo i de dagodo haisala, ma de sui ange dana daa ga maakau ono dangada hai hegau.”

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”