Revelation 3:21 - De Beebaa Dabu

²¹ Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 3:21 Iomraidhean Croise

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

John 13:32

Noo de Maadua e hagamahamaha i ono daha, gai de Maadua e hagamahamaha naa hogi Tama, gai e hagamahamaha naa donu ia i de masavaa moolau.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Revelation 5:10

Koe gu hai gilaadeu gi se nohoanga hodooligi gai ni dangada haimeedabu niio taadeu Maadua, gai gilaadeu ga dagi ai i henua i lalo.”

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”