Revelation 3:19 - De Beebaa Dabu

¹⁹ Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Revelation 3:19 Iomraidhean Croise

2 Samuel 7:14

Au e hai naa go dono damana, gai ia go dagu dama. Gai de masavaa naa huu oona e haisala ai, gai au e haele ia i de laagau, bei de hai a dahi damana e haele ai laa dana dama.

De Beebaa go Job 5:17

Tilo, e manuuia tangada a de Maadua e hagaheohi, deenei ai, aude hagangadi mee ina de haelenga a de Ia Mmahi Mmao laa.

Psalm 39:11

De masavaa aau e haele ai dangada ma de hagasee gilaadeu i hiidinga olaadeu haisala, gai koe e oha ono goloa hagamogomogo bei hegau a de goa. Ni muna abodonu, dangada alodahi e bei donu huu de madangi o de manava. Selah

Psalm 6:1

Tagi Maolunga, koe gi dee hagaseegina loo au i doo lili, gai gi dee haelea mai au i doo bole.

Psalm 69:9

Ogu lodo gu honu i de lodo gaiaa i hiidinga o doo hale; gilaadeu e hagadogaa ina goe e hagadogaa donu hogi au.

Psalm 94:10

E aha, de ia e haelea denga huaahenua e dee hagaduasala naa gilaadeu? Gai de ia e agoagona ange tangada e dee iloo mee?

Proverbs 15:10

Tangada e hano gee laa i de haiava heohi e kona dono haelenga, gai tangada e kino laa i dono hagaheohi ina e magau naa donu.

Proverbs 15:32

Tangada e hagangadi mee ina laa dono hagaseegina e hagangadi mee donu huu ia, aagai tangada e anga ange gi dono hagaheohi ina e kii ange naa de heiangi.

Proverbs 22:15

De lodo senga e dagodo i lodo o de gauligi, aagai de laagau haele e aau gee de lodo senga mai i ono daha.

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Jeremiah 30:11

Gai au e noho naa donu madali goe ma de hagaola goe, go Tagi Maolunga e hagadaba. Gai ga hagallilo ina naa donu e au denga huaahenua alodahi, aagu gu hai oo dangada gi mavaevae saele aagena, aagai au e dee hai donu gi odi oo dangada i de llilo. Au e haele naa goe i de heohi; au e dee dugu naa donu huu goe, gai e hagaduasala donu goe.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Jeremiah 7:28

Deenei ai, hai ange gi gilaadeu, Deenei de huaahenua tee hagallongo ange laa gi Tagi Maolunga delaadeu Maadua, gai tee hagallongo ange gi dana haelenga. Gai de muna abodonu gu lilo; gai gilaadeu gu dee pasa ai hogi.

Zephaniah 3:2

Se aduhale e dee hagallongo ange gi dahi, ma tee malangilangi i de hagaheohi a dahi ia. Gai ia e dee hagadonu Tagi Maolunga, gai e dee lodo e hagabaa ange gi dono Maadua.

Matthew 25:7

Aagai denga bua mmoe laa ga aalahage e hagadabena alaadeu laama.

John 2:17

Gai ana dangada agoago gu manadua e gilaadeu muna gu sisi laa, e hai ange, “Au gu kona mmao dogu lodo gaiaa, i hiidinga o doo hale.”

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

1 Corinthians 11:32

Aagai de masavaa a Tagi Maolunga e hagamodu ai odaadeu muna, gai ia e haele gidaadeu gi dee maakau ai gidaadeu madali henua i lalo.

2 Corinthians 6:9

ni dangada e dee dau, gai e soa dangada e iloo gimaadeu; ni dangada e dee modu de tuu ange gi de maakau, aagai goi mouli huu; ni dangada e hagaduasala ina, aagai tigi daia gi maakau;

2 Corinthians 7:11

Goodou kalo ange diiloo mee a taemaha bei dagodo de hagatau a de Maadua gu hai i oodou lodo: go llodo mmahi, ma doodou llodo e hagaheohi goodou, ma de llili, ma de maatagu, ma de llodo mmao e tilo au, ma doodou hai hegau hagammahi, aama de hai gi sula de hagamodu heohi. Gai goodou gu hagaago mai bolo goodou e dee haisala donu i de mee nei.

Galatians 4:18

Gai se mee danuaa donu de llodo o dangada i goodou noo se hiidinga danuaa, gai e dee go dogu masavaa donu huu e noho ai i oodou daha.

Deuteronomy 8:5

Gai goodou gi tonu ange bolo Tagi Maolunga doodou Maadua ne haele goodou bei de haele a tangada dana dama donu.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

Revelation 2:5

Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.