Revelation 3:10 - De Beebaa Dabu

¹⁰ Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Revelation 3:10 Iomraidhean Croise

Isaiah 24:17

Dangada o henua i lalo, de mee hagamadagu, ma geelonga, ma ssele gu paba adu gi goodou.

Daniel 12:10

Gai e soa naa dangada e hagagilimalali ina naa gilaadeu, ma de hai gilaadeu gi tea ma de danuaa; aagai de gau baubau e duudagi naa donu de hai de baubau. Gai e deai naa donu se dangada baubau e maua gi donu ange, aagai gilaadeu e heiangi laa e tonu ange naa donu.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Matthew 26:41

Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Mark 14:9

Ni muna abodonu aagu e hai adu nei gi goodou, be go hee naa huu e tala ai de longo danuaa i henua i lalo, aagai e tala ai naa hogi hegau a de hine nei e hagamaanadu ai ia.”

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

Romans 1:8

I mua nei, gai au e hagaahe ange de abodonu gi de Maadua i de ingoo o Iesu Klisdo i oodou hiidinga alodahi, go hiidinga dangada alodahi i henua i lalo gu langona dagodo o doodou kai ange gi de ia.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

Ephesians 6:13

Deenei ai, goodou kahu i de malo ma hagauda goloa hebagi alodahi o de Maadua, gi maua ai e goodou i de tuu ga hebagi i denga laangi baubau, gai ga lava naa donu doodou hebagi, gai goodou gi tuu ga dee ngalungaalue.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

James 3:12

Denga daina, e maua i de hai gi hhaa mai denga olive i de fig, aabe go denga fig i de grapevine? E dee maua hogi e dahi saalingaa vai soolo i de hai denga vai danuaa.

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Revelation 11:10

Gai dangada e nnoho i henua i lalo gu malangilangi i olaau hiidinga, gai gilaadeu ga daonga ga malangilangi aama de hagadau gaavange mee ngadi gaavange, i hiidinga go luu pelaabisi laa ne hidi mai ai de duasala o dangada e nnoho i henua i lalo.

Revelation 13:10

Noo tangada e kave gi dahi henua gee, gai ia e gaavee naa donu gi dahi henua gee. Noo e daa ia gi daa gi magau i de gadilaasa, gai ia e daia naa donu gi magau i de gadilaasa. De mee nei se hagahi ange gi dangada o de Maadua, gilaadeu gi hagaduu ngae i de golomagi lodo ma de gai.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Revelation 16:14

Aagai denga hagasaalunga baubau laa e hai denga sauaa, gai gilaadeu ne hulo gi daho denga hodooligi alodahi o henua i lalo, ga hagabuni mai gilaadeu e hagadabena ange gi de hebagi i de laangi maolunga o de Maadua Mmahi Mmao laa.

Revelation 17:2

Gai denga hodooligi o henua i lalo ne dagodo haisala madali ia, gai dangada o henua i lalo gu ssenga i delaadeu unu uvaini o dono dagodo haisala.”

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Revelation 3:8

Au e iloo dagodo o au hegau. Tilo, au gu hhuge dahi abaaba i oo mada i mua, gai e deai donu e maua i de pono. Au e iloo bolo koe e dai deai donu oo mahi, aagai koe ne duudagi de daohi agu muna, koe tee hagadee iloo dogu ingoo.

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”

Revelation 8:13

Gai au ne gidee ma de langona dahi igele e hagadaba i de leo mmahi, i dono masavaa e lele ai i lo te moana, “E vakaa naa, e vakaa naa, e vakaa naa dangada e nnoho i henua i lalo, go hiidinga denga dangada de langi dogodolu ange laa gu dai ili naa alaadeu trumpet!”