Revelation 22:6 - De Beebaa Dabu

⁶ Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 22:6 Iomraidhean Croise

Genesis 41:32

Gai ne lua hanonga ne humai ai de midi nei gi Pharaoh, go hiidinga de Maadua gu hagatoo donu de mee nei, gai e moolau naa donu de hagassula a de Maadua mee nei.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

Matthew 13:41

Tama a Tangada e hai naa gi hulo ana dangada de langi gi hagabudulia gi gaavee gee mai i dono nohoanga hodooligi mee alodahi e hidi mai ai de haisala, ma gilaadeu alodahi e haia de baubau.

Luke 1:70

bei dana hai gu hagatoo donu ai laa i daho denga pelaabisi dabu madagidagi,

Luke 16:16

De hainga ma denga pelaabisi ne agoago ga dae mai ai gi de masavaa o John taane Babudaisi; gai muli mai ne daamada de agoago de longo danuaa o de nohoanga hodooligi o de Maadua, gai dangada alodahi gu hagammahi e ulu ai.

Acts 12:11

Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

Romans 1:2

gu lava laa i dana hagatoo donu madagidagi i daho ono pelaabisi i de Beebaa Dabu,

1 Corinthians 14:32

Gai sauaa o tuuhanga go de basa pelaabisi go tangada e basa pelaabisi laa e daohia.

1 Corinthians 7:29

Denga daina, deenei de hagadoonunga o muna nei, de masavaa gu hagamodu gu baa mai donu. Mai iainei gai denga daane dau bodu gi bei denga daane e deai olaadeu bodu,

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.

2 Peter 3:2

Gai goodou gi manadua muna gu tala laa madagidagi i daho denga pelaabisi dabu ma muna a Tagi Maolunga de Ia Hagaola gu tala mai laa i daho oodou dangada tala.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

Revelation 21:9

Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”