Revelation 22:2 - De Beebaa Dabu

² ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.

Revelation 22:2 Iomraidhean Croise

Genesis 2:9

Gai Tagi Maolunga go de Maadua ne hai gi ssomo age, i honga de gelegele denga hagadaagangaa manu ssomo alodahi e danuaa laa i de tilo ma de gai. Gai de manu somo o de mouli, ma de manu somo e maua ai laa gi iloo tanuaa ma de baubau, e ssomo i lo te ungaalodo o de veelenga laa.

Psalm 147:3

Ia e hagaieiangi naa gilaadeu gu daemaha olaadeu lodo, ma de saabini olaadeu maanuga.

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Ezekiel 47:1

Gai ia ne hagaahe mai au gi de haitoga o de hale daumaha; gai tilo, de vai e sali mai i lalo de haitoga o de hale daumaha i de bido gi dua, go hiidinga de hale daumaha e huli gi dua. Gai de vai e sali iho i lalo de baasi gi ngaage o de haitoga o de hale daumaha, i baasi i ngaage de mommee o ssigidaumaha.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Zechariah 14:8

De laangi laa gai de vai mouli e ssali mai naa i Jerusalem. Hanu e ssali ga hulo gi tai i baasi i dua, gai hanu e ssali ga hulo gi tai i baasi i dai, i de masavaa hagamahana ma de masavaa hagamagalili.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 21:21

Gai denga haitoga e madaangahulu ma lua laa ni ango; dahi haitoga e hai i dahi ango daudahi. Gai honga de haiava o de aduhale laa ni goolo danuaa e hai ai, gai e masalaba bei de galaasa.

Revelation 21:24

Gai denga huaahenua e seesee i dono maalama, gai denga hodooligi o henua i lalo e gaamai naa olaadeu goloa mahamaha gi de aduhale laa.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Revelation 22:19

Gai be goai e aaua gee dahi mee mai i muna pelaabisi gu sisi i lo te beebaa nei, gai de Maadua e aau gee naa hogi dono duuhanga mai i de manu o de mouli aama mai i de aduhale dabu gu tala laa olaau dagodo i lo te beebaa nei.