Revelation 22:1 - De Beebaa Dabu

¹ Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:1 Iomraidhean Croise

Psalm 46:4

E dahi saalingaa vai e sali mai ma e hagamalangilangi de aduhale o de Maadua, go de mommee dabu e noho ai laa de Ia Maolunga Mmao laa.

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.

Isaiah 48:18

Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Zechariah 14:8

De laangi laa gai de vai mouli e ssali mai naa i Jerusalem. Hanu e ssali ga hulo gi tai i baasi i dua, gai hanu e ssali ga hulo gi tai i baasi i dai, i de masavaa hagamahana ma de masavaa hagamagalili.

John 13:32

Noo de Maadua e hagamahamaha i ono daha, gai de Maadua e hagamahamaha naa hogi Tama, gai e hagamahamaha naa donu ia i de masavaa moolau.

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

Revelation 21:9

Gai gu humai dahi dangada de langi i magavaa o denga dangada de langi e dogohidu nogo tuu laa ma e daohi denga boolo e hidu e hhao ai laa denga mee hagamaakau hagaodi e hidu, ga basa mai gi de au, ga hai mai, “Humai, gai au ga hagaago adu gi de goe de hine gu dai hagahai bodu laa, go de bodu o Ssiibi Gauligi.”

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 5:13

Gai au ne langona mee alodahi i de langi ma henua i lalo, ma lalo de henua ma honga tai aama mee alodahi i mommee laa, e daahili ma e hagataba, “Gaavange gi de Maadua e noho laa i honga de nohoanga aama Ssiibi Gauligi de tuhi ma de hagadubu, ma de mahamaha aama ssauaa, ga hano ai e dee ngado mai.”

Revelation 5:6

Gai au ne gidee hogi dahi Ssiibi Gauligi, e dagodo be se manu gu daia ma gu magau i mua, e duu i lo te ungaalodo o denga nohoanga laa, i magavaa o denga mee mouli laa aama denga daane maatua laa. Gai e hidu ono hanga ma e hidu ganomada, go denga hagasaalunga e hidu a de Maadua ne hai gi hulo gi henua i lalo alodahi.

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”