Revelation 21:6 - De Beebaa Dabu

⁶ Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

Revelation 21:6 Iomraidhean Croise

Psalm 36:9

Go koe e daamada mai ai de mouli; gai go doo maalama amaadeu e gidee ai de maalama.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

John 4:11

De hine laa ne hai ange gi de ia, “Tangada aamua, koe e deai donu sau mee e asu ai vai, gai de vai geli nei e gelo. Gai go hee aau e gaamai ai de vai o de mouli naa?

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Romans 3:24

gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

1 Corinthians 2:12

Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

1 Corinthians 3:12

Gai noo dahi dangada e hagaduu i honga tagelo nei i goolo, be go selevaa, be go hadu hagamogomogo, be go laagau, aabe go helii ma lau mmasa —

1 Corinthians 3:21

Deenei ai, tangada gi dee duuhia dangada! Go hiidinga mee alodahi niiodou:

1 Corinthians 3:5

Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga.

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Revelation 1:17

De masavaa aagu ne gidee ai ia, gai au ga hagabaguu gi honga de gelegele i gaogao luoono vae gu bei dagodo o tangada magau. Aagai ia ga poo mai au i dono lima madau, ga hai mai, “Aude madagu, go au Tahi gai go au de Hagaodi,

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

Revelation 10:6

ga hagatoo donu i de ingoo o de ia e mouli laa ga hano ai e dee ngado mai, go de ia ne haia de langi ma mee alodahi iai, ma henua i lalo ma mee alodahi iai, ma tai ma mee alodahi i ono lodo, ga hagadaba, “Gu odi de masavaa!

Revelation 16:17

Gai de hidu dangada de langi ne llingi ange mee i lo tana boolo gi lo te moana i lunga. Gai dahi leo mmahi ne basa mai i honga de nohoanga i lo te temple, ga hagadaba, “Gu lava!”

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”