Revelation 21:4 - De Beebaa Dabu

⁴ Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Revelation 21:4 Iomraidhean Croise

Psalm 144:4

Tangada e bei de madangi o de manava; ono laangi e mouli ai e bei de goohunga e ngalue laa.

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 60:20

De laa e hagamaalama ina goe e dee danu naa donu, de maasina e dee danu naa hogi; gai go Tagi Maolunga doo maalama e dee ngado mai, gai oo laangi e hinangalosaa ai e ui naa.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Jeremiah 31:13

Gai denga bua moe e aanu naa i de malangilangi, madali denga dama daane aama de gau maatua hogi. Au e hai naa gilaadeu gi dee tangi gai gi malangilangi; au e hagaaneane naa olaadeu lodo ma de hai gilaadeu gi malangilangi gu dee daemaha.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Matthew 24:35

De langi ma henua i lalo e llilo naa donu, aagai agu muna e dee llilo donu.

1 Corinthians 15:26

Gai de hagadaumee hagaodi aana e kave gee dono sauaa go de magau.

1 Corinthians 7:31

gai gilaadeu e hagahai hegau ina goloa o henua i lalo, gi hai hegau bei gilaadeu e dee haia mee nei. Go hiidinga henua i lalo nei e odi naa donu.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

2 Corinthians 6:17

Deenei ai, goodou hulo gee mai i olaadeu magavaa, gai vaaea gee goodou mai i gilaadeu, go Tagi Maolunga e hagadaba, gai goodou aude poo ange gi de mee hakino gee; gai au ga abodonu adu gi goodou,

Hebrews 12:27

De muna nei, “E dahi ange naa hanonga,” e hagaago mai bolo mee alodahi e maua laa i de hagangaalue (go mee ne hagadau i taamada) e hai naa donu ga deai, gai go mee donu huu e dee maua laa i de hagangaalue e daakodo.

2 Peter 3:10

Aagai de laangi o Tagi Maolunga e dae mai naa bei de humai o tangada gaiaa. De langi e hagalongaa naa i de masavaa e hagalilo ai; gai ono mee alodahi e odi naa i de vaivai i de ahi, gai henua i lalo ma mee alodahi i ono elunga e odi naa hogi i de hagaago mai.

1 John 2:17

Henua i lalo ma ono lodo alodahi e llilo donu, aagai tangada e haia lodo o de Maadua e mouli ga hano ai.

Revelation 20:13

Gai gu mouli age de gau maakau i lo te dai, gai gu mouli age hogi de gau maakau i de mommee o de Magau ma Hades, gai gu hagamodu olaadeu muna, gi bei dagodo o alaadeu hegau ne hai.

Revelation 20:14

Gai de mommee o de magau ma Hades gu tili ange gi lo te ahi e sali laa bei de vai. Deenei de lua magau.

Revelation 21:1

Gai au ne gidee de langi hoou ma henua i lalo hoou; gai de langi ma henua i lalo ne hai laa i taamada age gu llilo. Gai gu deai hogi se dai.

Revelation 22:3

Gai e deai ange naa donu mee e hagamalaia, aagai de nohoanga o de Maadua ma Ssiibi Gauligi go kilaa naa hogi iai, gai ono dangada hai hegau e daumaha ange naa gi de ia i kilaa.

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”