Revelation 21:3 - De Beebaa Dabu

³ Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

Revelation 21:3 Iomraidhean Croise

1 Kings 8:27

Aagai e maua donu e de Maadua i de noho i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

2 Chronicles 6:18

Aagai e maua donu e de Maadua i de noho madali dangada i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Exodus 25:8

Gai gilaadeu gi hagaduulia dahi hale dabu moogu, e noho ai au i olaadeu daha.

Exodus 29:45

Gai au ga noho ai madali de gau Israel, gai go au delaadeu Maadua.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Jeremiah 32:38

Gai gilaadeu e hai naa go ogu dangada, gai au go delaadeu Maadua.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Ezekiel 43:7

Ia ne hai mai, “Tama a tangada, deenei de mommee iai dogu nohoanga, ma de mommee e dugu ange aagena luoogu vae. Deenei dogu mommee e noho ai madali de gau Israel ga hano ai. Gai de gau Israel ma olaadeu hodooligi gu dee aahe ange e hagangadi mee dogu ingoo dabu, i delaadeu daumaha ange gi olaadeu diinonga, ma de danu olaadeu hodooligi i olaadeu mommee daumaha.

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Zechariah 8:8

ga hagaahe mai gilaadeu gi nnoho i Jerusalem. Gilaadeu e hai naa go ogu dangada, gai au go delaadeu Maadua, i de muna abodonu ma de heohi.

Numbers 9:16

Gai aanei ono dagodo i masavaa alodahi; de hagausinga e haoli de hale malo hai daumaha i de laangi, gai de boo e ula bei de ahi.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

2 Corinthians 6:18

gai au e hai naa go doodou damana, gai goodou go agu dama, go Tagi Maolunga Mmahi Mmao laa e hagadaba.”

1 Thessalonians 3:11

Deenei ai, de Maadua taadeu Damana, aama taadeu Dagi Maolunga go Iesu gi dagina demaadeu haiava e loadu ai gi oodou daha!

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Hebrews 8:2

gai go ia e haia hegau i lo te hale dabu, go de hale malo abodonu a Tagi Maolunga ne hagaduu laa, gai tee hagaduu i lima o dangada.

Revelation 10:4

Gai de masavaa o denga hatuli laa ne babaa ai, gai au ga hai e sisi muna laa; aagai au gu langona dahi leo mai i de langi e hai mai, “Aude daalaa mee a denga hatuli e hidu gu tala laa, gai e dee sisi hogi e daohi.”

Revelation 10:8

Gai de leo aagu ne langona laa e humai i de langi i mua, ne basa mai ange hogi gi de au, ga hai mai, “Hannoo gaavee de beebaa mulo e hhuge laa ma e dagodo i lo te lima o tangada de langi e duu laa i honga tai ma honga de henua.”

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Revelation 21:7

Be goai e kii i mee nei, gai au e bolo ange de mee nei gi de ia; au e hai naa go dono Maadua gai ia go dagu dama.

Revelation 22:3

Gai e deai ange naa donu mee e hagamalaia, aagai de nohoanga o de Maadua ma Ssiibi Gauligi go kilaa naa hogi iai, gai ono dangada hai hegau e daumaha ange naa gi de ia i kilaa.

Revelation 7:15

Deelaa ai, gilaadeu e tuu naa i mada i mua o de nohoanga o de Maadua, ga daumaha ange ai gi de ia i dono temple i de laangi ma de boo; gai de ia e noho laa i honga de nohoanga laa e buibui naa gilaadeu i dono noho i olaadeu daha.