Revelation 21:10 - De Beebaa Dabu

¹⁰ Gai tangada de langi laa ne kave au gi honga dahi mounga maolunga mmao i ssauaa o de Hagasaalunga ⌊Dabu⌋ ga hagaago mai de aduhale dabu go Jerusalem e hano iho laa i daho de Maadua i de langi.

Revelation 21:10 Iomraidhean Croise

1 Kings 18:12

Gai de masavaa naa donu huu oogu e hano gee mai ai i kinei, gai de Hagasaalunga o Tagi Maolunga ga kave goe gi dahi mommee aagu e dee iloo. Gai noo au e hano e tala ange au muna gi Ahab, gai ia tee gidee goe, gai ia e daa naa donu au gi magau. Gai au, doo dangada hai hegau e madagu i Tagi Maolunga, mai i dogu gauligi.

2 Kings 2:16

Gai gilaadeu ga hai ange gi de ia, “Tilo, aanei e dinolima daane mmahi madali gimaadeu; gaavee gilaadeu gi hulo gi saalaa doo dangada aamua. Kana adu de Hagasaalunga o Tagi Maolunga gu kave ia ma gu dugu i honga dahi mounga aabe go lo te geelonga.” Elisha ne hai ange, “E deai, gilaadeu e dee hulo.”

Ezekiel 11:1

Gai de Hagasaalunga ne hagamalanga age au ga kave gi de haitoga o de hale o Tagi Maolunga i de baasi gi dua. Gai e dinolua ma dogolima daane e nnoho i gaogao de haitoga laa. Au ne gidee hogi Jaazaniah tama daane a Azzur, ma Pelatiah tama daane a Benaiah i olaadeu magavaa, luu daane nei ni dagi niio dangada.

Ezekiel 11:24

Gai au ne gidee i de midi hagaago ange bolo de Hagasaalunga o de Maadua ne hagamalanga age au ga kave gi daho dangada gu gaavee laa gi Babylon. Gai de midi hagaago ange laa gu hano gee mai i ogu daha.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Ezekiel 8:3

Gai ia ne haalo mai dono mee be se lima ga poo ai ngaangaaulu o dogu biho. Gai de Hagasaalunga ne hagamalanga age au gi magavaa o henua i lalo ma de langi, ga kave gi Jerusalem i de masavaa o denga midi hagaago ange a de Maadua, gi de haitoga i de baasi gi ngaiho, i lo te buibui e mua gi lodo, go de mommee e duu ai dahi diinonga e hidi mai ai de maagoda.

Acts 8:39

De masavaa olaau ne ea age ai i lo te vai, gai de Hagasaalunga o Tagi Maolunga ga kave gee a Philip, gai de eunuch laa gu dee gidee e ia a Philip. Gai ia ga hagasoe ga hano i dono haiava gu malangilangi mmao.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

Revelation 17:3

Gai ia ne kave au gi de vao i ssauaa o de Hagasaalunga ⌊Dabu⌋. Gai au ne gidee dahi hahine e gage i honga dahi manu mmea alasala, gai dono angaanga e sisi ange aagena denga ingoo e hagangadi mee ina de Maadua, gai de manu laa e hidu ono biho ma e madaangahulu hanga.

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Revelation 4:2

De masavaa laa donu huu gai de Hagasaalunga ⌊Dabu⌋ gu hano iho gi ogu elunga, gai tilo, au gu gidee dahi nohoanga hodooligi i de langi, gai dahi e noho i honga de nohoanga hodooligi laa.