Revelation 20:2 - De Beebaa Dabu

² Gai ia ne poo de dragon, go de labodo madagidagi laa, go de ia hagabaubau, go Satan, ga nnoa ia i e mano ngadau,

Revelation 20:2 Iomraidhean Croise

Genesis 3:1

Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?”

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

De Beebaa go Job 1:7

Gai Tagi Maolunga ne ssili ange gi de ia, “Go hee oou ne humai ai naa?” Satan ne basa ange, ga hai ange gi Tagi Maolunga, “Au ne humai i dua dogu aheahe saele i henua i lalo alodahi.”

Isaiah 24:22

Gilaadeu alodahi e dagi mai naa bei dagodo o dangada gu hhao gi lo te geelonga; gilaadeu e tili ange naa gi lo te hale pono gai dua naa huu hanu laangi lagolago, gai gilaadeu e hagaduasala.

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Ezekiel 47:5

Gai ia ne haide ange hogi e mano sugilima, gai de vai laa gu se vai laumalie, gai au gu dee duu ai, go hiidinga de vai laa gu honu baabaa; gu maua donu e tangada i de kau ai, se vai gu honu gai gu dee maua i de seesee i ono lodo.

Matthew 19:29

Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai.

Matthew 8:29

Gai luu daane laa ne hevaalogi ga hai ange, “Ni aha oou e lodo ai i omaau daha, Tama Daane a de Maadua? Koe e humai naa e hagammae gimaau i mua de masavaa?”

Mark 4:15

Hanu dangada e bei dagodo o denga golee e too ange laa gi gaogao de haiava. De masavaa alaadeu ne langona ai muna a de Maadua, gai ne moolau donu de humai o Satan ga kave gee muna gu doo ange laa gi olaadeu lodo.

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

John 12:31

Iainei go de masavaa e hagamodu ai muna o henua i lalo nei; gai tagi o henua i lalo nei e tili naa gi tua.

John 16:11

dagodo o de hagamodu muna, i hiidinga tagi o henua i lalo nei gu lava donu i de hagamodu ono muna.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Hebrews 2:14

Deenei ai, go hiidinga denga dama ni kano ma dodo, e bei ai hogi, ia ne hai gi se dangada bei olaadeu dagodo, gi maua ai e ia i de magau e hagadee kii ai de ia e daohia laa ssauaa o de magau, go de ia hagabaubau,

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

Revelation 12:13

Gai ga gidee huu e de dragon bolo ia gu tili iho gi henua i lalo, gai ia ga doolohi de hine ne hanaua laa tama daane laa.

Revelation 12:15

Gai de labodo laa ga busi mai vai i lo tono ngudu e hai ai ssaalingaa vai gi dolohia de hine laa, gi dahea ai ia i de mee mmilo laa.

Revelation 12:17

Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:2

Gai de manu alasala aagu e gidee laa e bei de leopard, ono vae e bei vae o de bea, gai dono ngudu e bei de ngudu o de laiono. Gai de dragon ne gaavange dono sauaa ma dono nohoanga hodooligi, aama dono duulanga maolunga gi de manu alasala laa.

Revelation 13:4

Gai dangada ga daumaha ange gi de dragon i hiidinga de dragon gu gaavange dono sauaa gi de manu alasala laa, gai dangada e daumaha ange gi de manu laa, ga hagataba, “Goai e bei dagodo o de manu alasala laa? Gai goai e maua i de hebagi ange gi de manu laa?”

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Revelation 20:7

Gai ga odi ange huu de mano ngadau, gai Satan e tala naa ga hagasao mai i lo te hale pono,

Revelation 9:11

Gai e dahi hodooligi e dagina gilaadeu, go tangada de langi o de geelonga e deai laa sono dagelo; dono ingoo i muna Hebrew go Abaddon, gai muna Greek go Apollyon.