Revelation 2:3 - De Beebaa Dabu

³ Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

Revelation 2:3 Iomraidhean Croise

Psalm 37:7

Noho ma gi dee muu, golomagina oo lodo daalia ange ai Tagi Maolunga; aude manavasaa i de hagadaga age o dangada i alaadeu mee e hai, aabe go tangada e sula ana hagatau baubau.

Psalm 69:7

I hiidinga au gu hagadogaa ina i oo hiidinga, gai au gu haoli luoogu mada i hiidinga de kona dogu dogaa.

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Mark 15:21

Gai dahi daane mai i Cyrene ne humai i dahi mommee i tua de aduhale, dono ingoo go Simon, go tamana o Alexander ma Rufus; gai gilaadeu ne hai gi de mahi ia gi sabaia de laagau lui.

Luke 14:27

Be goai e dee hagauda ina dono laagau lui e daudali mai ai i de au, gai ia e dee maua donu i de hai gi se dangada agoago niiagu.

Luke 18:1

Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

Luke 21:19

Noo goodou e hagaduu ngae i de golomagi lodo, gai goodou e maua donu de mouli.

Luke 5:5

Simon ne hai ange gi de ia, “De Ia Aamua, gimaadeu ne haangoda mai huu anaboo gai gimaadeu tee hagalau. Aagai go hiidinga koe gu hai mai gi dilia denga galauna, deenei ai au e tili donu.”

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

John 15:21

Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Romans 16:12

Dagu hagaboo ange gi Tryphena ma Tryphosa, go luu hine e mmahi i de hai ange gi Tagi Maolunga. Dagu hagaboo ange gi ssoa hagamogomogo go Persis, go de hine e hagaduu ngae ma e hai hegau ange gi Tagi Maolunga.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Romans 8:25

Aagai noo gidaadeu e tali hagalodolodo ange gi mee adaadeu tigi gidee, gai gidaadeu e tali mee nei i de golomagi lodo.

1 Corinthians 13:7

De aloha e hagauda mee alodahi i de golomagi lodo, e hagadonu mee alodahi, e tali hagalodolodo ange gi mee alodahi, gai e lodo mmahi i de hagauda mee alodahi.

1 Corinthians 16:16

goodou daudali i muna a de gau bee nei aama dangada alodahi e balea ma de hai hegau madali gilaadeu.

2 Corinthians 10:15

Gai gimaadeu e dee tuhi gimaadeu i hegau a hanu dangada gee, aagai gimaadeu e tali hagalodolodo bolo de masavaa naa huu e hagadagadaga age ai oodou kai, gai amaadeu hegau gu hai i oodou magavaa gu kii ange de somo ga laumalie,

2 Corinthians 11:23

Noo gilaadeu ni dangada hai hegau niio Klisdo, gai au e danuaa ange donu i gilaadeu — au e basa adu bei dagodo o dahi dangada senga. Agu hegau e maolunga ange, gai ne lagolago ange ogu hanonga ne tili ange ai gi lo te hale pono, gai e dee maua i de dau ogu hanonga ne hagailiilihia ai, ne dee modu dogu duu ange gi de magau.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

2 Corinthians 4:16

Deenei ai, gidaadeu gi dee llodo baageaa. Gai ga hagadaga iho naa donu odaadeu angaanga nei, gai odaadeu lodo e hagahoou i laangi alodahi.

2 Corinthians 5:9

Deenei ai, e dee hilihili be gidaadeu e nnoho madali ia aabe e dee maaleva i ono daha, gai de mee amaadeu e hagaduu ngae e hai go de hagamalangilangi ia.

2 Corinthians 6:5

ma demaadeu hagailiilihia, ma de haoa gi lodo hale pono, ma denga hellumi, ma denga hegau kona, ma tee maua de sseni i denga boo, ma de hiikai;

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

Philippians 2:16

i doodou hagammahi ga daohi muna o de mouli, gi maua ai e au i de tala tuhi i de laangi o Klisdo e humai ai, bolo au tee ngadi savini aabe teai haigamaiana o agu hegau.

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

1 Thessalonians 2:9

Denga daina, goodou manadua demaadeu hagaduu ngae ga hai hegau i oodou magavaa! Gai gimaadeu ne hai hegau i de boo ma de laangi gi dee hagadaemaha ina ai e gimaadeu dahi goodou i de masavaa amaadeu e tala adu ai de longo danuaa a de Maadua gi goodou.

1 Thessalonians 5:12

Denga daina, gimaadeu e dangidangi adu goodou gi hagadubulia gilaadeu e hagaduu ngae ma e hai hegau i oodou magavaa, ma de dagi goodou i lodo o Tagi Maolunga aama de agoago adu goodou.

2 Thessalonians 3:13

Denga daina, goodou gi dee llodo baageaa i de hai tanuaa.

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

2 Thessalonians 3:8

aabe ne gaimee i daho dahi gai tee hagao. Gai gimaadeu ne hagaduu ngae ga hai hegau i de boo ma de laangi, gi dee hagahai ngadaa ina ai e gimaadeu goodou,

1 Timothy 4:10

Gai deenei taadeu mee e hai hegau ange ma de hagammahi ange aagena, go hiidinga taadeu tali hagalodolodo go daho de Maadua e mouli laa iai, go de Ia Hagamouli o dangada alodahi, gai ange donu gi gilaadeu e hagadonusia.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Hebrews 13:13

Deenei ai, gidaadeu ga ssao e hulo gi ono daha i tua de mommee nnoho gaainga, ma de kave de hagadogaa aana ne hagauda laa.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Hebrews 6:12

gi dee vaiduu ai goodou, aagai goodou gi ago ange i gilaadeu ne gaavee mee gu lava laa i de hagatoo donu ai, i hiidinga o de gai ma de golomagi lodo.

Hebrews 6:15

Gai Abraham ne kave mee gu lava laa i de hagatoo donu, i hiidinga dana hagammahi ga golomagi ono lodo.

2 Peter 1:6

gai de iloo mee gi madali de golomagi lodo, gai de golomagi lodo gi madali de lodo mmahi, gai de lodo mmahi gi madali de hai lodo o de Maadua;

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.