Revelation 19:11 - De Beebaa Dabu

¹¹ Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 19:11 Iomraidhean Croise

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Psalm 96:13

i mada luu mada o Tagi Maolunga, go hiidinga ia e humai naa, ia e humai naa e hagamodu muna o henua i lalo. Ia e hagamodu naa muna o henua i lalo i de heohi, gai e hagamodu muna o dangada i de muna abodonu.

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Exodus 15:3

Tagi Maolunga se daane dau i de hebagi, gai dono ingoo go Iahweh.

Isaiah 32:1

Tilo, dahi hodooligi e dagi naa i de heohi, gai dagi o de henua e dagi naa i de hagamodu heohi.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Zechariah 1:8

Au ne hai dahi midi hagaago ange i de boo, gai tilo, dahi daane e gage i honga dahi hoosa mmea. Gai ia e duu i magavaa o manu ssomo go denga myrtle i dahi mommee gelo. Gai e hanu hoosa mmea, ma hoosa kaagii, aama hoosa tea e tuu i ono dua.

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 19:19

Gai au ne gidee de manu alasala laa ma denga hodooligi o henua i lalo, madali olaadeu hagabuulinga hebagi gu hagabuni e hebagi ange gi de ia e gage laa i honga de hoosa, ma dono hagabuulinga hebagi.

Revelation 19:21

Gai dangada e doe ne daia ga maakau i de gadilaasa e sao mai laa i lo te ngudu o de ia e gage laa i honga de hoosa. Gai denga manu llele alodahi ne loomai ga gaimee gu boobosu i olaadeu kano.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.