Revelation 17:5 - De Beebaa Dabu

⁵ Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”

Revelation 17:5 Iomraidhean Croise

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

2 Thessalonians 2:7

Gai mee e dee iloo laa i dagodo o de ia e oohaa de hainga gu hai hegau donu iainei; aagai de ia e daohia laa ia, e daohi naa donu ia ga dae ai gi dono masavaa e kave gee ai.

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 11:8

ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Revelation 14:8

Gai togolua dangada de langi ne daudali ange ga hagadaba, “Gu maoha! Gu maoha loo Babylon maolunga laa, go de aduhale ne haia denga huaahenua alodahi gi unumia uvaini o dono dagodo haisala!”

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Revelation 17:2

Gai denga hodooligi o henua i lalo ne dagodo haisala madali ia, gai dangada o henua i lalo gu ssenga i delaadeu unu uvaini o dono dagodo haisala.”

Revelation 17:7

Aagai tangada de langi ne ssili mai gi de au, “Gu aha gu lele ai naa oo mouli? Au e hagadonu adu naa donu gi de goe mee e dee iloo laa, i dagodo o de hine laa ma de manu alasala oona e gage ai laa, go de manu alasala e hidu laa ono biho ma e madaangahulu hanga.

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Revelation 19:2

gai ana hagamodu ni muna abodonu ma de heohi. Ia gu hagamodu muna o de hine hai be se manu, ne haia laa ga hakino gee henua i lalo i de dagodo haisala, ma de sui ange dana daa ga maakau ono dangada hai hegau.”

Revelation 7:3

ga hai ange, “Goodou aude dugua ange de madangi gi oohaa henua i lalo, be go tai aabe go denga manu ssomo, ga dae ai gi de lava taadeu hagailonga honga lae o de gau hai hegau o taadeu Maadua.”