Revelation 17:3 - De Beebaa Dabu

³ Gai ia ne kave au gi de vao i ssauaa o de Hagasaalunga ⌊Dabu⌋. Gai au ne gidee dahi hahine e gage i honga dahi manu mmea alasala, gai dono angaanga e sisi ange aagena denga ingoo e hagangadi mee ina de Maadua, gai de manu laa e hidu ono biho ma e madaangahulu hanga.

Revelation 17:3 Iomraidhean Croise

1 Kings 18:12

Gai de masavaa naa donu huu oogu e hano gee mai ai i kinei, gai de Hagasaalunga o Tagi Maolunga ga kave goe gi dahi mommee aagu e dee iloo. Gai noo au e hano e tala ange au muna gi Ahab, gai ia tee gidee goe, gai ia e daa naa donu au gi magau. Gai au, doo dangada hai hegau e madagu i Tagi Maolunga, mai i dogu gauligi.

2 Kings 2:16

Gai gilaadeu ga hai ange gi de ia, “Tilo, aanei e dinolima daane mmahi madali gimaadeu; gaavee gilaadeu gi hulo gi saalaa doo dangada aamua. Kana adu de Hagasaalunga o Tagi Maolunga gu kave ia ma gu dugu i honga dahi mounga aabe go lo te geelonga.” Elisha ne hai ange, “E deai, gilaadeu e dee hulo.”

Song of Songs 8:5

Goai de hine e hannagi ange nei gi dono dau sao ma e loomai ai gilaau i de vao? Au ne hhango goe i lalo de apple; go kilaa a doo dinana ne hai dama ai i de goe, go kilaa ne hai ai ono hagalangona ga haanau ai goe.

Ezekiel 11:24

Gai au ne gidee i de midi hagaago ange bolo de Hagasaalunga o de Maadua ne hagamalanga age au ga kave gi daho dangada gu gaavee laa gi Babylon. Gai de midi hagaago ange laa gu hano gee mai i ogu daha.

Ezekiel 3:12

Gai de Hagasaalunga ne poo au ga hagamalanga age gi lunga, gai au ne langona dahi leo i ogu dua, bei de haganngolo laumalie — Gi duuhia de mahamaha o Tagi Maolunga i dono mommee! —

Ezekiel 8:3

Gai ia ne haalo mai dono mee be se lima ga poo ai ngaangaaulu o dogu biho. Gai de Hagasaalunga ne hagamalanga age au gi magavaa o henua i lalo ma de langi, ga kave gi Jerusalem i de masavaa o denga midi hagaago ange a de Maadua, gi de haitoga i de baasi gi ngaiho, i lo te buibui e mua gi lodo, go de mommee e duu ai dahi diinonga e hidi mai ai de maagoda.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 7:20

Gai au ne lodo gi iloo e au de hagadoonunga o denga hanga e madaangahulu i honga dono biho laa, ma de hanga damaa mee ne somo age laa i muli mai, ga oha e dolu hanga ange laa — gai de hanga laa e hanu ono ganomada, gai e basa hagamaolunga, ma de mmahi ange i ono soa ange laa.

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Daniel 7:8

De masavaa aagu e maanadu ai dagodo o denga hanga laa, gai tilo, dahi hanga damaa mee gu somo age i magavaa o denga hanga laa; gai e dolu hanga ne loage laa i mua gu unuunusi age ga aau gee e hai ai dahi duulanga moo de hanga damaa mee laa. Gai tilo, de hanga damaa mee laa e hanu luoono ganomada bei ganomada o tangada, ma de ngudu, gai ia e basa hagamaolunga.

Matthew 27:28

Gai gilaadeu ga hagaui ono malo, ga hakahu ange ia i dahi malo mmea,

Acts 8:39

De masavaa olaau ne ea age ai i lo te vai, gai de Hagasaalunga o Tagi Maolunga ga kave gee a Philip, gai de eunuch laa gu dee gidee e ia a Philip. Gai ia ga hagasoe ga hano i dono haiava gu malangilangi mmao.

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 12:6

Gai de hine laa gu savini ga hano gi de vao i de mommee a de Maadua gu lava laa i de hagadabena, gi diiloo ange ai ia i e 1,260 laangi.

Revelation 17:18

Gai de hine aau ne gidee naa go de aduhale laumalie e dagina denga hodooligi o henua i lalo.”

Revelation 17:4

Gai de hine laa gu gahu i denga malo purple ma de mmea ma de hagalaagii i denga goolo ma hadu hagamogomogo aama ango, gai ia e poo dahi ubu e honu i mee baubau ma de hakino gee o ana hegau hai be se manu.

Revelation 18:12

go goolo ma selevaa, ma hadu hagamogomogo, ma ango, ma linen tea danuaa, ma malo purple, ma siliga, ma malo mmea, ma denga hagadaagangaa laagau maanongi alodahi, ma hagadaagangaa goloa ivory alodahi, ma hagadaagangaa laagau hagao ngadaa alodahi, ma bronze, ma iron ma marble;

Revelation 18:16

ga hagataba, “Gu vakaa loo! Gu vakaa loo, de aduhale maolunga, nogo gahu laa i linen tea danuaa, ma malo purple ma de mmea, ma de hagalaagii i denga goolo, ma hadu hagamogomogo, aama ango!

Revelation 21:10

Gai tangada de langi laa ne kave au gi honga dahi mounga maolunga mmao i ssauaa o de Hagasaalunga ⌊Dabu⌋ ga hagaago mai de aduhale dabu go Jerusalem e hano iho laa i daho de Maadua i de langi.

Revelation 4:2

De masavaa laa donu huu gai de Hagasaalunga ⌊Dabu⌋ gu hano iho gi ogu elunga, gai tilo, au gu gidee dahi nohoanga hodooligi i de langi, gai dahi e noho i honga de nohoanga hodooligi laa.