Revelation 16:9 - De Beebaa Dabu

⁹ Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

Revelation 16:9 Iomraidhean Croise

2 Kings 6:33

De masavaa a Elisha e basa ange ai gi gilaadeu, gai tangada hai hegau o de hodooligi gu dae mai ai gi kilaa. Gai de hodooligi ga hai ange, “De hai ngadaa nei se mee mai donu i daho Tagi Maolunga. Gai ni haigamaiana aha dagu tali ange gi Tagi Maolunga?”

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 8:21

Gai gilaadeu e silivaahea saele naa i honga de henua i delaadeu duasala ma de hiikai. Gilaadeu e llili naa ga kalo age gi de langi, ga pasa hagangadi mee ai delaadeu hodooligi aama delaadeu Maadua.

Jeremiah 13:6

Gai dua huu hanu laangi lagolago gai Tagi Maolunga ga hai mai, “Hannoo gi Euphrates hagaahea mai ai de mee nnoa ungaalodo aagu ne hai adu laa koe gi gaavee gi hagamuunia i kilaa.”

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Luke 13:3

Au e hai adu gi goodou, e deai! Aagai noo goodou e dee daahuli oodou lodo, gai goodou alodahi e odi naa donu hogi i de maakau.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 16:21

gai denga dibadibaa haisi nnui, agu made e dagillau pauni de daemaha, gu too iho i de langi gi honga o dangada. Gai dangada ga pasa baubau i de Maadua i hiidinga de kona de hagamaatagu o de mee hagamaakau go denga dibadibaa haisi laa.

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.