Revelation 16:12 - De Beebaa Dabu

¹² Gai de ono dangada de langi ne llingi iho mee i lo tana boolo gi honga de vai laumalie go Euphrates, gai de vai laa gu masa, e hai ai de haiava e hagadabena ange gi denga hodooligi mai i baasi dua.

Revelation 16:12 Iomraidhean Croise

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 41:25

Au gu hagangalue naa lodo o dahi mai i ngaiho, gi humai; gai ia e humai i de mommee e sobo age ai de laa, ga hagahi i dogu ingoo. Ia e dagadagahi naa denga hodooligi bei dagodo o denga bela, ma tangada hai gumedi hadu e dagadagahia laa denga gelegele pigi.

Isaiah 42:15

Au e ulu iho naa denga mounga ma duuduu, ma de hai gi mmae manu ssomo alodahi; au e hai naa denga saalingaa vai gi ni modu, ma de hai gi maamasa mommee iai vai.

Isaiah 44:27

Gai au e hai ange gi de moana gelo, ‘Koe gi masa, gai au e hai naa gi maamasa denga saalingaa vai.’

Isaiah 46:11

Au e hagahi naa dahi manu lele alasala mai i dua, se daane mai i dahi henua mmao, gai ia ga hagasula ina dagu hagatau. Gai be ni aha naa huu aagu gu tala, gai au e hai naa donu gi bei; gai be ni aha naa huu aagu gu hagatau, gai au e hai naa donu.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Jeremiah 51:36

Deenei ai, e hagadaba Tagi Maolunga, “Tilo, au e bale adu naa goe e sui ange ai hegau baubau aana ne hai adu gi de goe. Au e hai naa gi maamasa ono dai ma de hai gi deai vai i lodo ono saalingaa vai.

Revelation 11:14

Gai gu ui de lua hagaduasala, gai tilo, tolu hagaduasala e moolau naa donu de dae mai!

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Revelation 7:2

Gai au ne gidee ange hogi dahi dangada de langi e hanage i baasi i dua, gai ia e poo de mee hagamakaga a de Maadua e mouli laa. Gai ia ne oo ga hai ange gi denga dangada de langi e dogohaa laa, go de gau de langi gu gaavange laa aagena ssauaa e oha ai honga de henua ma honga tai,

Revelation 9:14

ga hai ange gi togoono dangada de langi ne ilihia laa de trumpet, “Daalaa mee noonoa o denga dangada de langi dogohaa e noonoa laa i ssaalingaa vai laumalie go Euphrates.”