Revelation 15:8 - De Beebaa Dabu

⁸ Gai de useahi o de mahamaha o de Maadua ma dono sauaa gu hhao lo te hale dabu, gai gu deai donu dangada e maua i de ulu gi lo te hale dabu, ga dae ai gi de odi i de hai denga mee hagamaakau e hidu a denga dangada de langi dogohidu laa.

Revelation 15:8 Iomraidhean Croise

Psalm 29:9

De leo o Tagi Maolunga e hai gi haanau denga dia, ma de aau gee lau o manu ssomo i lodo mee muimui. Gai dangada alodahi i lo tono temple gi hagataba, “Ia e mahamaha!”

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Isaiah 6:4

Gai olaadeu leo e hagangalungalue denga abaaba, gai de temple gu honu i de useahi.

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Lamentations 3:44

Koe gu buibui goe i de hagausinga, gi dee maua ai amaadeu dalodalo gi tae age gi de goe.

Leviticus 16:2

Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.