Revelation 14:1 - De Beebaa Dabu

¹ Gai au ne galo adu ange gu gidee Ssiibi Gauligi e duu i honga de mounga go Zion, gai e tuu madali ia e 144,000 dangada gu sisi ange gi honga olaadeu lae dono ingoo ma de ingoo o dono Damana.

Revelation 14:1 Iomraidhean Croise

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Jeremiah 1:11

Gai Tagi Maolunga ne hagaago mai gi de au ana muna, ga ssili mai, “Jeremiah, se aha aau e gidee naa?” Gai au ga hai ange, “Au e gidee de laa o dahi almond.”

Ezekiel 1:4

Gai tilo, au ne gidee de madangi mmahi e humai i ngaiho, gai e dahi hagausinga maadolu e labalaba mai ai denga uila, gai gu kona de maalama luu baasi alodahi. Gai lo te ungaalodo o de ahi laa e dahi mee malamalama bei de baalanga,

Ezekiel 10:1

Gai tilo, au ne gidee dahi mee be se nohoanga, e hai i sapphire i baasi lunga de moana i honga biho o denga cherubim.

Ezekiel 10:9

Gai tilo, au ne gidee hogi e haa hagasii i gaogao denga cherubim laa, e dahi hagasii i gaogao dahi cherubim; gai denga hagasii laa e hai i chrysolite.

Ezekiel 2:9

Gai au ne galo adu ange, gai tilo, dahi lima gu haalo mai gi de au. Gai lo te lima laa iai dahi beebaa mulo,

Ezekiel 44:4

Gai ia ne kave hogi au laa lo te haitoga i de baasi gi ngaiho gi ma te temple. Gai au ne galo age, gai tilo, de mahamaha o Tagi Maolunga gu hhao ma gu honu de hale o Tagi Maolunga. Gai au ga ino gi honga de gelegele.

Ezekiel 8:7

Gai ia ne kave au gi de haitoga o de buibui. Gai tilo, au ne gidee dahi mommee masaavava i lo te buibui laa.

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Daniel 12:5

De masavaa laa gai au ne gidee e dogolua ange dangada de langi e tuu i kilaa; dahi e duu i de baasi mai nei ssaalingaa vai, gai dahi i de baasi laa.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Amos 8:2

Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

Micah 4:7

Au e hai naa tangada balagelage go dahi dangada e doe, gai dangada ne gaavee gee e hai naa ga se huaahenua mmahi. Gai Tagi Maolunga e dagi naa gilaadeu i honga de mounga go Zion, mai de laangi laa, ga hano ai e dee ngado mai.

Zechariah 4:2

Gai ia ne ssili mai gi de au, “Ni aha aau e gide laa?” Gai au ne hai ange, “Au e gidee dahi mee dugu laama goolo, gai e dahi boolo e dugu i de ulu, ma e hidu laama i ono elunga, gai e dagidahi olaadeu mommee e velo ange aagena de uvigi.

Luke 12:8

“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua.

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Revelation 14:14

Gai au ne galo age hogi gu gidee dahi giliiga tea, gai honga de giliiga laa e noho ai dahi e bei hoolinga o tangada, honga dono biho iai dahi hau goolo, gai ia e poo dahi kamaa kangi i dono lima.

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Revelation 15:5

Dua de mee nei gai au ne gidee de hale malo o de tala hagadonu i lo te hale dabu i de langi gu hhuge,

Revelation 22:4

Gai gilaadeu e gidee naa luoono mada, gai dono ingoo e sisi ange naa gi honga olaadeu lae.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Revelation 6:8

Gai au ne galo age, ga gidee dahi hoosa mada tea, gai de ia e gage i ono elunga e hagaingoo ange go de Magau, gai Hades e daudali ange i de ia. Gai gu gaavange gi gilaau ssauaa e daa ai gi maakau e dahi diba i diba e haa o dangada i henua i lalo, i de gadilaasa, ma de onge, ma denga mee hagamaakau, aama denga manu alasala i honga de henua.