Revelation 13:6 - De Beebaa Dabu

⁶ Gai de manu laa ne basa ga hagangadi mee de Maadua, ma dono ingoo ma dono mommee e noho ai, aama gilaadeu e nnoho i de langi.

Revelation 13:6 Iomraidhean Croise

De Beebaa go Job 3:1

Dua mee laa, gai a Job ne basa ga hagamalaia dono laangi ne haanau ai,

Psalm 73:9

Gilaadeu e pasa ma e hai baasi ange gi de langi, gai olaadeu alelo e aheahe saele i henua i lalo.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Daniel 7:8

De masavaa aagu e maanadu ai dagodo o denga hanga laa, gai tilo, dahi hanga damaa mee gu somo age i magavaa o denga hanga laa; gai e dolu hanga ne loage laa i mua gu unuunusi age ga aau gee e hai ai dahi duulanga moo de hanga damaa mee laa. Gai tilo, de hanga damaa mee laa e hanu luoono ganomada bei ganomada o tangada, ma de ngudu, gai ia e basa hagamaolunga.

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Romans 3:13

Olaadeu holomanga e bei denga daanunga e maahuge laa; olaadeu alelo e daahanga dangada. Mee hagammau o denga labodo hagammau i lalo olaadeu malaungudu.

Colossians 1:19

Gai de Maadua ne malangilangi i de hai gi daakodo ono dagodo honu danuaa i ono daha,

Colossians 2:9

Gai dagodo alodahi o de Maadua gu daakodo donu i lodo o Klisdo, i dono angaanga.

Hebrews 9:2

Gai deenei de hai ne hagaduu ai de hale malo. De aabi e mua gi daha iai de mee dugu laama, ma teebele iai pelaoaa dabu; gai e hagaingoo ange go de Mommee Dabu.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Revelation 11:12

Gai gilaau gu langona dahi leo laumalie mai i de langi e hai ange gi gilaau, “Gooluu loomai gi kinei!” Gai gilaau gu loage gi de langi i de giliiga i madamada o olaau hagadaumee alodahi.

Revelation 12:12

Deenei ai, de langi, malangilangi, ma goodou alodahi e nnoho i kilaa! Aagai e vakaa naa henua i lalo ma tai, go hiidinga de ia hagabaubau laa gu bole ma gu hano iho ai gi goodou, go hiidinga ia gu iloo bolo dono masavaa gu bodobodo.”

Revelation 15:5

Dua de mee nei gai au ne gidee de hale malo o de tala hagadonu i lo te hale dabu i de langi gu hhuge,

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Revelation 5:13

Gai au ne langona mee alodahi i de langi ma henua i lalo, ma lalo de henua ma honga tai aama mee alodahi i mommee laa, e daahili ma e hagataba, “Gaavange gi de Maadua e noho laa i honga de nohoanga aama Ssiibi Gauligi de tuhi ma de hagadubu, ma de mahamaha aama ssauaa, ga hano ai e dee ngado mai.”

Revelation 7:15

Deelaa ai, gilaadeu e tuu naa i mada i mua o de nohoanga o de Maadua, ga daumaha ange ai gi de ia i dono temple i de laangi ma de boo; gai de ia e noho laa i honga de nohoanga laa e buibui naa gilaadeu i dono noho i olaadeu daha.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.