Revelation 13:3 - De Beebaa Dabu

³ Gai dahi biho o de manu alasala laa e dagodo be gu lagohia ma gu dai magau, aagai dono maanuga gu mahu. Gai henua i lalo alodahi ga daudali ange i de manu laa, i hiidinga de llele olaadeu mouli.

Revelation 13:3 Iomraidhean Croise

Ezekiel 30:24

Gai au e hai naa gi mmahi de hodooligi o Babylon, ma de hai ia gi boogia dagu gadilaasa i dono lima; aagai au e hagamaaguluaa naa luu lima o Pharaoh, gai ia ga gonogono ai naa i mada i mua o de hodooligi o Babylon, bei dagodo o tangada gu lagohia ma gu dai magau.

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.

John 12:19

Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”

Acts 8:13

Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.

Revelation 13:12

Gai ia ne hai hegau i ssauaa alodahi o tahi manu alasala laa ga sui ai tahi manu laa, ma de hai henua i lalo ma dangada e nnoho ai gi daumaha ange gi tahi manu alasala laa, go de manu alasala ne mahu laa dono maanuga kona laa.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 17:10

gai mounga e hidu laa ni hodooligi hogi; e dogolima gu maakau, gai dahi goi mouli huu, gai dahi tigi dae mai. Gai dono masavaa naa huu e dae mai ai, gai ia e hodooligi naa donu huu i dahi masavaa bodobodo.

Revelation 17:11

Gai de manu alasala nogo mouli laa, gai gu dee maleva, ia go de valu hodooligi, gai ia se hodooligi hogi madali denga hodooligi dogohidu laa, gai e daa naa ga magau.

Revelation 17:13

Gai gilaadeu e buni naa i de dugu ange olaadeu sauaa ma mmahi gi de manu alasala laa.

Revelation 17:17

Go hiidinga de Maadua gu hai gi gilaadeu gi llodo e hagasula dana hagatau, i delaadeu buni ga gaavange ssauaa o olaadeu nohoanga hodooligi gi de manu alasala laa, ga dae ai gi de hagassula muna a de Maadua.

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.