Revelation 13:1 - De Beebaa Dabu

¹ Gai au ne gidee dahi manu alasala e hanage i lausedi, gai e madaangahulu ono hanga ma e hidu biho, gai denga hanga e madaangahulu laa iai dagidahi hau, gai honga ono biho iai denga ingoo e hagangadi mee ai de Maadua.

Revelation 13:1 Iomraidhean Croise

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 2:41

Gai koe ne gidee bolo luu vae ma dabuvae o de mee laa ni gelegele pigi ma iron e hai ai; deelaa ai, de nohoanga hodooligi laa e dee maua naa donu gi buni, gai hanu ono mahi e bei iron bei dau hai ne gidee ai laa bolo denga iron e hilo ma gelegele pigi.

Revelation 11:7

Gai de masavaa naa huu e lava ai de tala alaau muna, gai de manu alasala ne hanage laa i lo te geelonga e deai laa sono dagelo, ga hebagi ange gi gilaau ga hagadee kii gilaau ma de daa gilaau ga maakau,

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 13:11

Gai au ne gidee ange hogi dahi manu alasala e hanage i lo te gelegele, e lua ono hanga bei hanga o dahi ssiibi gauligi, gai e basa bei de dragon.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 13:15

Gai gu gaavange ssauaa gi de lua manu alasala laa gi haia ai gi manamanava tiinonga laa, gai tiinonga laa gu maua i de basa, ma de daa gi maakau dangada e dee daumaha ange gi tiinonga o de manu laa.

Revelation 15:2

Gai au ne gidee dahi mee be se vai masalaba bei de galaasa e ula ai de ahi, gai gilaadeu ne kii laa i de manu alasala laa, ma dono diinonga aama de nambaa o dono ingoo, e tuu i gaogao de vai laa. Gai gilaadeu e daohi denga harp a de Maadua gu gaavange laa gi gilaadeu.

Revelation 16:13

Gai au ne gidee e dolu hagasaalunga baubau bei hoolinga o denga kailu, e ssao mai i lo te ngudu o de dragon, ma lo te ngudu o de manu alasala laa, aama lo te ngudu o de pelaabisi hadu muna laa.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Revelation 17:3

Gai ia ne kave au gi de vao i ssauaa o de Hagasaalunga ⌊Dabu⌋. Gai au ne gidee dahi hahine e gage i honga dahi manu mmea alasala, gai dono angaanga e sisi ange aagena denga ingoo e hagangadi mee ina de Maadua, gai de manu laa e hidu ono biho ma e madaangahulu hanga.

Revelation 17:5

Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”

Revelation 19:19

Gai au ne gidee de manu alasala laa ma denga hodooligi o henua i lalo, madali olaadeu hagabuulinga hebagi gu hagabuni e hebagi ange gi de ia e gage laa i honga de hoosa, ma dono hagabuulinga hebagi.