Revelation 12:3 - De Beebaa Dabu

³ Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 12:3 Iomraidhean Croise

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Isaiah 51:9

De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Daniel 2:41

Gai koe ne gidee bolo luu vae ma dabuvae o de mee laa ni gelegele pigi ma iron e hai ai; deelaa ai, de nohoanga hodooligi laa e dee maua naa donu gi buni, gai hanu ono mahi e bei iron bei dau hai ne gidee ai laa bolo denga iron e hilo ma gelegele pigi.

Daniel 2:42

Gai go hiidinga denga dabuvae e hai i iron ma gelegele pigi, deelaa ai, de nohoanga hodooligi laa e mmahi naa i hanu mommee gai e baageaa i mommee ange laa.

Daniel 7:20

Gai au ne lodo gi iloo e au de hagadoonunga o denga hanga e madaangahulu i honga dono biho laa, ma de hanga damaa mee ne somo age laa i muli mai, ga oha e dolu hanga ange laa — gai de hanga laa e hanu ono ganomada, gai e basa hagamaolunga, ma de mmahi ange i ono soa ange laa.

Daniel 7:24

Denga hanga e madaangahulu laa ni hodooligi e ssula age i de nohoanga hodooligi nei. Gai e dahi ange naa hodooligi e sula age i olaadeu dua. Ia e dagodo gee donu ma denga hodooligi ne loomai laa i mua; ia e hagadee kii naa e dolu hodooligi ange laa.

Revelation 12:1

Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.

Revelation 12:13

Gai ga gidee huu e de dragon bolo ia gu tili iho gi henua i lalo, gai ia ga doolohi de hine ne hanaua laa tama daane laa.

Revelation 12:17

Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 12:7

Gai gu hai hogi de hebagi i lo te langi i lunga; Michael ma ono dangada de langi e hebagi ange gi de dragon, gai de dragon ma ono dangada de langi e hebagi ange gi gilaadeu.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:1

Gai au ne gidee dahi manu alasala e hanage i lausedi, gai e madaangahulu ono hanga ma e hidu biho, gai denga hanga e madaangahulu laa iai dagidahi hau, gai honga ono biho iai denga ingoo e hagangadi mee ai de Maadua.

Revelation 13:2

Gai de manu alasala aagu e gidee laa e bei de leopard, ono vae e bei vae o de bea, gai dono ngudu e bei de ngudu o de laiono. Gai de dragon ne gaavange dono sauaa ma dono nohoanga hodooligi, aama dono duulanga maolunga gi de manu alasala laa.

Revelation 13:4

Gai dangada ga daumaha ange gi de dragon i hiidinga de dragon gu gaavange dono sauaa gi de manu alasala laa, gai dangada e daumaha ange gi de manu laa, ga hagataba, “Goai e bei dagodo o de manu alasala laa? Gai goai e maua i de hebagi ange gi de manu laa?”

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.

Revelation 16:13

Gai au ne gidee e dolu hagasaalunga baubau bei hoolinga o denga kailu, e ssao mai i lo te ngudu o de dragon, ma lo te ngudu o de manu alasala laa, aama lo te ngudu o de pelaabisi hadu muna laa.

Revelation 17:12

Gai denga hanga e madaangahulu aau ne gide laa se dinoangahulu hodooligi, gilaadeu tigi kave olaadeu sauaa a e hodooligi ai, gai gilaadeu e kave naa ssauaa ga hodooligi ai i e dahi aoaa madali de manu alasala laa.

Revelation 17:16

Gai hanga e madaangahulu aau ne gide laa ma de manu alasala laa, e kino naa i de hine hai be se manu laa; gilaadeu e kave gee naa ono goloa ma de hai gi deai ono malo e haoli ai, ma de gai ono kano aama de dudu ia i de ahi.

Revelation 17:7

Aagai tangada de langi ne ssili mai gi de au, “Gu aha gu lele ai naa oo mouli? Au e hagadonu adu naa donu gi de goe mee e dee iloo laa, i dagodo o de hine laa ma de manu alasala oona e gage ai laa, go de manu alasala e hidu laa ono biho ma e madaangahulu hanga.

Revelation 19:12

Gai luoono ganomada e bei de ahi ula, gai ia e hagauda denga hau lagolago i honga dono biho, gai e dahi ingoo e sisi ange gi de ia, gai e deai donu se dangada e iloo dono hagadoonunga, go ia donu huu.

Revelation 20:2

Gai ia ne poo de dragon, go de labodo madagidagi laa, go de ia hagabaubau, go Satan, ga nnoa ia i e mano ngadau,