Revelation 12:2 - De Beebaa Dabu

² Ia gu hai dama, gai ia e dangi i hiidinga dono mmae i de hai ono hagalangona.

Revelation 12:2 Iomraidhean Croise

Isaiah 26:17

Tagi Maolunga, omaadeu dagodo i mada luoo mada e bei dagodo o de hine hai dama gu dai haanau laa, i dono masavaa e mmae ma de dangi i de hai ono hagalangona.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Isaiah 66:6

Hagalaangona adu de hellumi o dangada i de aduhale, hagalaangona adu de hagalongaa o dangada i de temple! Go de leo o Tagi Maolunga e suuia ange hegau a ono hagadaumee.

Micah 4:9

Gu aha gu kona ai naa doo dangi — gu deai soo hodooligi? E aha, gu odi naa donu de maakau oo dangada bale, gai koe gu mmae bei de hine gu hai ono hagalangona?

Micah 5:3

Deenei ai, ia e tili naa gilaadeu ga dae ai gi de masavaa o de hine e hai ai ono hagalangona e haanau ai, gai ono daina e doe e aahe mai naa ga dau ange gi de gau Israel.

Matthew 24:8

Gai mee nei e bei naa donu taamada de hai hagalangona o de hine gu dai haanau laa.

John 16:21

De hine e hai ono hagalangona e daemaha, i hiidinga gu dae mai dono aoaa e haanau ai; gai de masavaa naa huu e haanau ai dana gaagaa, gai ia gu dee manavasaa, gai gu malangilangi i hiidinga o dana dama gu haanau mai laa gi henua i lalo.

Galatians 4:19

Agu dama, au gu ahe ange hogi ma gu mmae i oodou hiidinga, bei dagodo o de hine e hai ono hagalangona, ga dae ai gi de honu danuaa dagodo o Klisdo i oodou lodo!

Galatians 4:27

Go hiidinga gu sisi e hai ange, “De hine dee hua, koe gi malangilangi; de hine tigi langona iho de mmae i de haanau, koe gi oo mage malangilangi; go hiidinga de hine gu dilia e soa ange naa ana dama i dama a de hine e dahi laa ono bodu.”

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.