Revelation 12:11 - De Beebaa Dabu

¹¹ Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 12:11 Iomraidhean Croise

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

1 Corinthians 15:57

Deenei ai, de abodonu ange gi de Maadua, ne gaamai laa gi gidaadeu de kii i daho Iesu Klisdo taadeu Dagi Maolunga.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

1 John 5:5

Gai goai e maua i de hagadee kii henua i lalo? Go tangada e hagadonusia bolo Iesu go Tama Daane donu a de Maadua.

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Revelation 11:7

Gai de masavaa naa huu e lava ai de tala alaau muna, gai de manu alasala ne hanage laa i lo te geelonga e deai laa sono dagelo, ga hebagi ange gi gilaau ga hagadee kii gilaau ma de daa gilaau ga maakau,

Revelation 12:17

Gai de dragon gu lili mmao i de hine laa, gai ia ga hano ga hebagi ange gi dangada e doe i dono hagadiilinga, ma gilaadeu e daohia muna a de Maadua ma de daalaa hagadonu dagodo o Iesu.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

Revelation 2:26

Gai be goai e kii, ma de hai ogu lodo ga dae ai gi de hagaodi, gai au e gaavange gi de ia ssauaa e dagi ai denga huaahenua alodahi;

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 3:5

Be goai e kii, gai ia e hakahu ange naa i malo tea bei dagodo o de gau nei, gai au e dee ssolo naa donu dono ingoo i de Beebaa o de Mouli. Gai au e tala hagadonu naa ono dagodo i mada luu mada o dogu Damana aama ono dangada de langi.

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.