Revelation 12:1 - De Beebaa Dabu

¹ Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.

Revelation 12:1 Iomraidhean Croise

2 Chronicles 32:31

Gai de masavaa a denga dagi o Babylon ne hai ai gi loomai hanu daane gi siilia dagodo o mee hagalele mouli gu hai laa i de henua, gai de Maadua tee bale ange ia, gai ne hagatale ia e tilo ai mee alodahi i ono lodo.

Psalm 104:2

Ia e gahu i de maalama bei de malo; ia e doha de langi bei de hale malo,

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Song of Songs 6:10

Goai e bei nei dagodo o de maalama o taiao, ma de mahamaha bei de maasina, ma de maalama bei de laa, gai e hagamaatagu bei de hagabuulinga hebagi ma olaadeu flag?

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 62:3

Koe e bei naa de hau hodooligi mahamaha i lo te lima o Tagi Maolunga, gai se hau hagauda i lo te lima o doo Maadua.

Zechariah 9:16

De laangi laa gai Tagi Maolunga delaadeu Maadua e hagaola naa gilaadeu, bei de hagabuulinga o ono dangada. Gilaadeu e hai naa ga maalama i honga dono henua bei dagodo o denga hadu hagamogomogo i de hau hodooligi.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 12:38

Hanu dangada sisi ma Pharisee ne hai ange gi Iesu, “Tangada Agoago, gimaadeu e llodo e tilo dahi hagailonga mai i oo daha.”

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Mark 13:25

denga heduu i lo te langi e too iho naa, gai denga mee mmahi i lo te langi e hagangaalue naa.

Luke 21:11

Gai e hagangalungalue naa de henua, gai de onge ma denga mee hagamaakau e hai naa i denga mommee. Gai e hai naa hogi denga mee hagamaatagu ma hagailonga hagalele mouli i lo te langi.

Luke 21:25

“Gai e hai naa denga hagailonga i lo te laa ma lo te maasina aama denga heduu. Gai e hai ngadaa naa ma teai se tali a denga huaahenua i henua i lalo, i de masavaa e haganngolo ai de moana ma de beabeau o de moana.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

Acts 2:19

Gai au e hai naa denga mee hagalele mouli i lo te langi i lunga, ma de hai denga sauaa i henua i lalo, i dodo, ma de ahi, aama de useahi maadolu.

Romans 13:14

Aagai goodou gi kahu i Tagi Maolunga go Iesu Klisdo, gai gi dee hagassula ina lodo haisala o de angaanga.

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

2 Corinthians 11:2

Au gu lodo gaiaa i oodou hiidinga i de lodo gaiaa o de Maadua. Au ne hagatoo donu e hai goodou go de hagababa gilimalali o dahi daane, go Klisdo.

Galatians 3:27

Go hiidinga goodou alodahi gu babudaisi i lodo o Klisdo, e bei gu kahu i Klisdo.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Galatians 6:14

Aagai de Maadua e dee dugu mai donu au gi duuhia donu huu au i dahi mee daudahi, aagai au e tuhi donu huu de laagau lui o taadeu Dagi Maolunga go Iesu Klisdo, go de laagau lui oogu ne magau ange ai henua i lalo, ma lodo o henua i lalo.

Ephesians 5:32

De mee e dee iloo laa e hai ngadaa mmao i de tonu ange aagena, aagai au e hagadaba bolo de mee nei e tala dagodo o Klisdo ma de nohoanga dabu.

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Revelation 15:1

Gai au gu gidee ange hogi dahi mee hagamanavasaa ma de hagalele mouli i de langi: e dogohidu dangada de langi madali denga mee hagamaakau e hidu, go mee hagamaakau hagaodi, i hiidinga aanei mee e hagahonu ai de bole o de Maadua.

Revelation 21:14

Gai de buibui o de aduhale laa e madaangahulu ma lua ono dagelo, gai honga denga dagelo laa e sisi ange aagena ingoo o de gau tala a Ssiibi Gauligi e dinoangahulu ma dogolua.

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.