Revelation 11:8 - De Beebaa Dabu

⁸ ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Revelation 11:8 Iomraidhean Croise

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Genesis 19:24

Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jeremiah 26:23

Gai gilaadeu ga hagaahe mai Uriah i Egypt ga gaamai gi daho de hodooligi go Jehoiakim, gai ia ga daa Uriah gu magau i de gadilaasa, ga maga ange dono angaanga gi de mommee iai daanunga o de gau maolalo.)

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Ezekiel 23:19

Gai Oholibah ne kii ange donu dono hai be se manu, i dana manadua ono laangi nogo se damaa hine ai, go de masavaa oona nogo se hine hai be se manu ai i de henua go Egypt.

Ezekiel 23:27

Au e hai naa gi dee haia e goe dahulinga hakino gee ma de hai be se manu aau ne hai i de henua go Egypt. Koe gu dee ahe ange donu e ssala mee nei, aabe e ahe ange e manadua Egypt.

Ezekiel 23:3

gilaau ni hai ga ni haahine hai be ni manu i Egypt, gai gilaau ne hai de hegau nei mai i laangi olaau ni damaa hine ai. Gai olaau gaanuunu gu booboo ina ma de haahaagia ange i de henua laa.

Ezekiel 23:8

Gai ia tee tili donu dono hai be se manu, go hegau aana ne daamada de hai i Egypt. De masavaa oona se damaa hine gai denga daane ne dagodo haisala madali ia, gilaadeu ne booboo luoono gaanuunu, gilaadeu ne hai ange gi de ia olaadeu mee e llodo ai.

Ezekiel 37:11

Gai ia ne hai mai gi de au, “Tama a tangada, denga ivi nei e bei dagodo o de gau Israel. Tilo, gilaadeu e hagataba, ‘Omaadeu ivi gu mmasa gee, gai gu deai semaadeu tali. Gimaadeu gu maakau donu.’

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Matthew 10:15

Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

Hebrews 13:12

Deelaa ai, Iesu ne hagaduasala hogi i tua de haitoga o de aduhale, gai ia ga hagagilimalali ai dangada i ono dodo.

Hebrews 6:6

gai noo gilaadeu gu daahuli gee — aagai gilaadeu gu dee maua ange i de daahuli olaadeu lodo, go hiidinga e bei donu gilaadeu gu aahe ange, ma gu daudau Tama Daane a de Maadua i de laagau lui, ma de hagangadi mee ia i madamada o dangada.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

Revelation 11:9

Gai dangada i denga huaadangada ma aamuli alodahi ma dangada e pasa i denga hagadaagangaa muna, ma denga huaahenua alodahi e loomai naa ga haina angaanga o luu daane gu maakau laa i e dolu ma de bido laangi, gai gilaadeu tee llodo donu e dugu ange dangada gi danumia olaau angaanga.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Revelation 14:8

Gai togolua dangada de langi ne daudali ange ga hagadaba, “Gu maoha! Gu maoha loo Babylon maolunga laa, go de aduhale ne haia denga huaahenua alodahi gi unumia uvaini o dono dagodo haisala!”

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Revelation 17:18

Gai de hine aau ne gidee naa go de aduhale laumalie e dagina denga hodooligi o henua i lalo.”

Revelation 17:5

Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Revelation 18:18

ga tangi ai i de masavaa alaadeu e gidee ai de buu age de useahi o de ahi e dudu ai laa de aduhale, ga hagataba, “Tigi ai ange se aduhale ne bei dagodo o de aduhale laumalie nei!”

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Revelation 18:24

Gai dodo o denga pelaabisi ma dodo o dangada o de Maadua gu gidee mai i kilaa, aama dangada alodahi ne daia ga maakau i henua i lalo.”