Revelation 11:10 - De Beebaa Dabu

¹⁰ Gai dangada e nnoho i henua i lalo gu malangilangi i olaau hiidinga, gai gilaadeu ga daonga ga malangilangi aama de hagadau gaavange mee ngadi gaavange, i hiidinga go luu pelaabisi laa ne hidi mai ai de duasala o dangada e nnoho i henua i lalo.

Revelation 11:10 Iomraidhean Croise

1 Kings 18:17

De masavaa a Ahab ne gidee ai Elijah, gai Ahab ga hai ange gi de ia, “E aha, deenaa goe, tangada e haia ga hai ngadaa de gau Israel?”

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

1 Kings 22:18

Gai de hodooligi o Israel ga hai ange gi Jehoshaphat, “Tee daalaa adu e au bolo ia e deai donu sana tala pelaabisi dahi mee danuaa i de au, go mee baubau donu huu?”

1 Kings 22:8

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, go mee baubau donu huu.” Gai Jehoshaphat ne hai ange, “E dee danuaa donu de tala a de hodooligi hanu muna bee naa.”

Psalm 13:4

gai gi dee hagadaba ai dogu hagadaumee, “Au gu hagadee kii ia;” gai ogu hagadaumee gu malangilangi i dogu baguu.

Psalm 35:19

Koe gi dee dugua ange ogu hagadaumee gi tae olaadeu lodo i ogu hiidinga; koe gi dee dugua ange gilaadeu e kino i de au i teai hiidinga gi hagadabadaba ina mai olaadeu ganomada gi de au.

Psalm 89:42

Koe gu hai ono hagadaumee gi hagadee kii ina ia, gai koe gu hai gi malangilangi ono hagadaumee.

Proverbs 24:17

Aude malangilangi i de masavaa o doo hagadaumee e baguu ai, gai koe gi dee lodo danuaa i masavaa oona e dai baguu ai;

Jeremiah 38:4

Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Obadiah 1:12

Gai e dee heohi dau hagangadi mee doo daina i de masavaa oona ne duasala ai, aabe go doo malangilangi i dangada o Judah i de masavaa olaadeu ne oohaa ina ai, aama doo basa hagamaolunga i de laangi olaadeu ne hai ngadaa ai.

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.

Matthew 10:22

Gai dangada alodahi e kino naa i goodou i hiidinga o dogu ingoo. Gai be goai e lodo mmahi ga dae ai gi de hagaodi, gai ia e hagamouli.

John 16:20

Ni muna abodonu, ni muna abodonu aagu e hai adu nei gi goodou, goodou e tangi naa, gai henua i lalo e malangilangi. Goodou e hinangalosaa naa, gai doodou hinangalosaa e sui naa ga se malangilangi.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

Acts 5:33

De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau.

1 Corinthians 13:6

De aloha e dee malangilangi i de mee dee heohi, aagai e malangilangi i de muna abodonu.

Revelation 12:13

Gai ga gidee huu e de dragon bolo ia gu tili iho gi henua i lalo, gai ia ga doolohi de hine ne hanaua laa tama daane laa.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Revelation 16:10

Gai de lima dangada de langi ne llingi ange mee i lo tana boolo gi honga de nohoanga o de manu alasala laa, gai dono nohoanga hodooligi gu gohu. Gai dangada ga gadigadi olaadeu alelo i hiidinga de kona delaadeu duasala i de mmae,

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.