Revelation 1:5 - De Beebaa Dabu

⁵ aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 1:5 Iomraidhean Croise

Psalm 51:2

Sooloa gi odi ogu baubau alodahi, ma de hagagilimalali au mai i ogu haisala.

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Proverbs 14:5

Tangada tala hagadonu i de mee abodonu e dee hadu muna i de masavaa e hagamodu ai muna, aagai tangada tala hagadonu hadu muna e tala muna hhadu.

Isaiah 55:4

Tilo, au ne hai ia gi se ia tala hagadonu ange gi denga huaadangada, gai se dagi e daalaa ange mee a denga huaadangada e hai.

Daniel 2:2

Gai de hodooligi ga aalu gi loomai de gau hai sauaa, ma de gau hai huuhuaa mee, ma de gau e daalaa mee e loomai, aama de gau Chaldea, gi daalaa ange gi de ia dana midi. Gai gilaadeu ne loomai ga tuu i mada i mua o de hodooligi,

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Leviticus 13:58

De malo, be se malo llanga be ne diadia, aabe ni gili manu gu llilo laa denga dongidongi iai i dua de taa, gai ahe ange taa i de lua hanonga, gai gu gilimalali.”

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

John 13:1

Gai i mua de hai Taonga Hagasili, gai Iesu gu iloo bolo gu dae dono masavaa e hano gee ai i henua i lalo ga ahe gi daho Tamana. Ia ne aloha i ono dangada i henua i lalo nei, gai ia ne aloha donu i gilaadeu ga dae ai gi de hagaodi.

John 13:34

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

John 15:9

Au ne aloha i goodou, bei de hai a dogu Damana e aloha ai laa i de au; goodou duudagina de nnoho i lalo dogu aloha.

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 3:32

Gai ia e tala hagadonu ana mee gu gidee ma de langona; aagai e deai donu dangada e hagadonusia ana muna e tala.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 26:23

Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.”

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Romans 8:37

E deai, i mee nei alodahi gai gidaadeu e kii ange donu i dangada gu kii laa i de hebagi, i hiidinga o de ia e aloha laa i gidaadeu.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Deuteronomy 18:2

Gai gilaadeu e dee bolo madali olaadeu daina; go hiidinga delaadeu duuhanga go Tagi Maolunga, bei dana hai gu hagatoo donu ange ai laa gi gilaadeu.

Deuteronomy 23:5

Aagai Tagi Maolunga doodou Maadua tee hai gi bei lodo o Balaam, aagai ia ne sui de hagamalaia laa ga hai gi se hagamanuuia niiodou, i hiidinga Tagi Maolunga doodou Maadua e aloha i goodou.

Deuteronomy 7:8

Aagai go hiidinga Tagi Maolunga ne aloha i goodou, gai ne daohi de hagatoo donu aana gu hagatoo donu ange ai gi oodou dubuna madagidagi, deelaa ai, ia ga hagassao mai goodou i dono lima mmahi, ma de hagaola goodou, mai i de henua oodou nogo hai hegau hagaduasala ai laa, aama mai i ssauaa o Pharaoh, de hodooligi o Egypt.

Colossians 1:18

Gai go ia de biho o de angaanga, go de nohoanga dabu; go ia taamada gai go ia hugadoo ne mouli age i mua i de gau maakau, deenei ai, go ia tahi i mee alodahi.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

1 Timothy 6:15

gai de mee nei e hai donu i de masavaa gu hagamodu laa i daho de ia e heohi taadeu tuhi, go de Ia Maolunga e dahi laa donu huu, go de Hodooligi o denga hodooligi aama Tagi Maolunga o denga dagi.

Hebrews 10:29

Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 11:3

Gai au e hai naa gi hulo luoogu dangada tala hagadonu gi pasa pelaabisi i e 1,260 laangi, gai gilaau e kahu naa i malo daladala.”

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.