Revelation 1:17 - De Beebaa Dabu

¹⁷ De masavaa aagu ne gidee ai ia, gai au ga hagabaguu gi honga de gelegele i gaogao luoono vae gu bei dagodo o tangada magau. Aagai ia ga poo mai au i dono lima madau, ga hai mai, “Aude madagu, go au Tahi gai go au de Hagaodi,

Revelation 1:17 Iomraidhean Croise

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Psalm 139:5

Koe e duuli mai ogu dua ma ogu mada i mua, gai koe e dagi au i doo lima.

Exodus 14:13

Gai Moses ga hai ange gi de huaadangada, “Goodou aude maatagu! Gai goodou tuu i gaogao de vai ga tilo ai de hai a Tagi Maolunga e hagaola ai goodou ailaa nei. Gai goodou e dee aahe ange naa donu ga gidee de gau Egypt oodou e gide nei anailaa nei.

Exodus 20:20

Gai Moses ga hai ange gi dangada, “Goodou aude maatagu, go hiidinga de Maadua gu humai e hagatale goodou e tilo ai dagodo o oodou lodo, gai gi dagodo ai de madagu o de Maadua i oodou lodo, gi dee haisala ai goodou.”

Exodus 3:6

Go au de Maadua o oo dubuna madagidagi; go au de Maadua o Abraham, ma de Maadua o Isaac, aama de Maadua o Jacob.” Gai Moses ga haoli luoono mada, go hiidinga ia gu madagu i de galo ange e tilo de Maadua.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.

Lamentations 3:57

Koe ne hagabaa mai gi de au i de masavaa aagu ne hagahi adu ai goe; koe ne hai mai, “Aude madagu!”

Ezekiel 1:28

Gai de maalama masalaba e duuli ai laa ia e bei de umada i lodo hagausinga i de laangi bala langi. Deenei dagu hai ne gidee ai dagodo o de mahamaha o Tagi Maolunga. De masavaa aagu ne gidee ai, gai au ga ino gi honga de gelegele, gai au gu langona de leo o dahi e basa ai.

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Daniel 10:15

Gai de masavaa aana e tala mai ai muna nei gi de au, gai au e galo iho gi honga de gelegele, au gu dee maua i de basa.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Matthew 14:27

De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”

Matthew 28:4

Gai de gau hagaloosi gu bolebole ma de maatagu, gilaadeu gu bei dagodo o de gau maakau.

Matthew 28:5

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui.

John 13:23

Gai tangada agoago o Iesu e aloha ai laa e hakaogao i gaogao o Iesu.

John 21:20

Gai Peter ne huli dua gu gidee e ia tangada agoago o Iesu e aloha ai laa e daudali ange i gilaau. (Deenei tangada e noho laa i gaogao o Iesu i de masavaa alaadeu ne gaimee ai, go ia ne siilia ange laa, “Tagi Maolunga, goai gu dai gaavange goe?”)

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”