Revelation 1:16 - De Beebaa Dabu

¹⁶ Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.

Revelation 1:16 Iomraidhean Croise

De Beebaa go Job 38:7

i de masavaa o denga heduu o taiao ne daahili ai, gai de gau de langi ne hevaalogi i de malangilangi?

Psalm 45:3

Taane mmahi, daulia dau gadilaasa i honga doo dege; gai hakahu ina goe i de mahamaha ma de hagadubu.

Song of Songs 6:10

Goai e bei nei dagodo o de maalama o taiao, ma de mahamaha bei de maasina, ma de maalama bei de laa, gai e hagamaatagu bei de hagabuulinga hebagi ma olaadeu flag?

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Daniel 12:3

Gai gilaadeu e heiangi e maalama naa bei de maalama o lo te langi; gai gilaadeu e dagina ange dangada soa gi de heohi, e maalama naa bei denga heduu ga hano ai e dee ngado mai.

Daniel 8:10

Gai de hanga laa gu kona mmao de mmahi ga hebagi ange hogi gi mee o lo te langi, gai de hanga laa ga tili iho gi henua i lalo hanu heduu ga dagadagahi gi honga de gelegele.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

Acts 26:13

De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa.

Ephesians 6:17

ma de goobai o de hagamouli, ma de gadilaasa a de Hagasaalunga ⌊Dabu⌋, go muna a de Maadua.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 10:1

Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

Revelation 12:1

Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Revelation 19:21

Gai dangada e doe ne daia ga maakau i de gadilaasa e sao mai laa i lo te ngudu o de ia e gage laa i honga de hoosa. Gai denga manu llele alodahi ne loomai ga gaimee gu boobosu i olaadeu kano.

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

Revelation 2:12

“Gai siia ange muna nei gi tangada de langi o de nohoanga dabu i Pergamum: Aanei muna mai i daho de ia e sao mai laa de gadilaasa kangi baasi lua i lo tono ngudu.

Revelation 2:16

Deenei ai, koe gi dahuli oo lodo. Gai noo e deai, gai au e humai naa i de masavaa moolau ga hebagi ange gi gilaadeu, i de gadilaasa e sao mai laa i lo togu ngudu.

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Judges 3:16

Gai Ehud ne hai dahi gadilaasa kangi baasi lua, se dahi sugilima de looloa, ga nnoa ange gi honga dono dege i de baasi madau i lalo ono malo.

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.